पंढरपूर : प्रेमप्रकरणातून झालेल्या हत्याकांडाची धक्कादायक घटना समोर आलीय. एका तरुणाची गळा दाबून हत्या करण्यात आली. त्यानंतर तरुणाचा मृतदेह विहिरीमध्ये फेकून देण्यात आला होता. कमरेला चक्क दगड बांधलेल्या अवस्थेत या तरुणाचा मृतदेह आढळून आला. पंढरपूरजवळील वाखरी येथे उघडकीस आल्याने परिसरात मोठी खळबळ उडाली आहे. दरम्यान, याप्रकरणी या हत्याकांड प्रकरणी अवघ्या सहा तासांच्या आतच पोलिसांनी दोन जणांना अटक केली
वाखरी येथील हॉटेल व्यावसायिक असलेल्या लखन सुनिल गांडुळे (वय 25 ) या तरुणाचा सोमवारी वाखरी येथील याकूब शेख यांच्या शेतातील विहीरीत मृतदेह आढळून आला. खळबळजनक बाब म्हणजे विहिरीतील पाण्यात कमरेला दगड बांधलेल्या अवस्थेत लखनचा मृतदेह आढळून आला होता. त्यानंतर पंढरपूर ग्रामीण पोलिसांनी तपासाची चक्रे वेगाने फिरवली.
हे पण वाचा :
शेतकऱ्यांसाठी खुशखबर.. ग्रामपंचायतीच्या योजनेवर मिळणार 100 टक्के अनुदान, असा घ्या लाभ..
जळगाव शहरात मध्यरात्री तरुणाचा खून !
संतापजनक ! व्हिडिओ बनवून आदिवासी मुलीवर तरुणाचा तब्बल चार महिने अत्याचार
या खून प्रकरणी पोलिसांनी संशयित आरोपींच्या मुसक्या आवळल्या. याप्रकरणी युवराज सातपुते व तुषार मेटकरी (रा. दाळे गल्ली, पंढरपूर) या दोन संशयित आरोपींना पोलिसांनी अटक केली आहे. प्रेमप्रकरणातून लखन गांडुळे यांचा खून केल्याचे संशयित आरोपींनी तपासा दरम्यान कबुली दिल्याची माहिती पोलिस निरीक्षक धनंजय जाधव यांनी दिली आहे. सध्या याप्रकरणी पुढील तपास सुरु आहे. दोन्ही संशयित आरोपींना आज येथील न्यायालयात हजर केले असता 28 ऑगस्ट पर्यंत पोलिस कोठडी देण्यात आली आहे.
