अहमदनगर – मुख्यमंत्रीपदी देवेंद्र फडणवीस यांची निवड झाल्याचे जाहीर होताच नगर शहरातील लक्ष्मी कारंजा येथील भाजपाच्या कार्यालयात सकाळपासून जल्लोष करण्यास सुरुवात झाली. ढोल-ताशांच्या गजरात गुलालाची उधळण करत व फटाके फोडून भाजपाच्या पदाधिकारी व कार्यकर्त्यांनी मुख्यमंत्रीपदी देवेंद्र फडणवीस यांची निवड व भाजपाची सत्ता पुन्हा आल्याचा जल्लोष साजरा केला.
भाजपा शहर जिल्हाध्यक्ष दिलीप गांधी यांनी कार्यकर्ते व परिसरातील नागरिकांना लाडू भरवून सर्वांचे अभिनंदन केले. उपमहापौर मालन ढोणे व महिला पदाधिकार्यांनी फुगडी खेळून पारंपारिक पद्धतीने आनंद साजरा केला. यावेळी महापौर बाबासाहेब वाकळे, ज्येष्ठ नेते सुनिल रामदासी, सरचिटणीस किशोर बोरा, भिंगार मंडल अध्यक्ष शिवाजी दहिंडे, सावेडी मंडल अध्यक्ष बाळासाहेब गायकवाड आदिंसह भारतीय जनता पार्टीचे नगरसेवक, माजी नगरसेवक, पदाधिकारी, कार्यकर्ते मोठ्या संख्येने उपस्थित होते.
नेवासा- महाराष्ट्राचे मुख्यमंत्री पदी पुन्हा देवेंद्र फडणवीस यांची निवड झाल्याबद्दल नेवासा येथे माजी आमदार बाळासाहेब मुरकूटे यांच्यासह भाजप कार्यकर्त्यांनी फटाक्यांची आतषबाजी करून जल्लोष साजरा केला. यावेळी उपस्थित नेवासा भाजपचे तालुकाध्यक्ष ज्ञानेश्वर पेचे, नगरसेवक सचिन नागपुरे, आदी भाजप कार्यकर्त्य उपस्थित होते
