अमळनेर – भाजपचे माजी जिल्हाध्यक्ष उदय वाघ यांचे काल दि.२८ गुरुवारी सकाळी हृदयविकाराच्या तीव्र झटक्याने निधन झाले होते. आज त्यांच्यावर मुळगावी डांगर येथे अंत्यसंस्कार करण्यात आले. त्यांचा पूतण्याने व मूली भैरवी व ईशानी यांनी अग्नीडाग दिला. अत्यंत शोकाकूल वातावरणात हजारो जनसमूदायाने साश्रूनयनाने आपल्या नेत्याला अखेरचा निरोप दिला.
यावेळी माजी मंत्री आमदार गिरीश महाजन, माजी मंत्री एकनाथराव खडसे, खासदार उन्मेष पाटील, खासदार रक्षा खडसे, आमदार मंगेश चव्हाण, आमदार संजय सावकारे, माजी आमदार हरिभाऊ जावळे, माजी आमदार शरद पाटील, वाल्मिक पाटील माजी मंत्री गुलाबराव देवकर माजी आ.साहेबराव पाटील, माजी आ.शिरिष चौधरी, राष्ट्रीय स्वयंसेवक संघाचे पदाधिकारी, पूणे येथील व्याही पलांडे परिवार आदी उपस्थित होते.
जिल्हाभरातून भाजपचे नेते, कार्यकर्ते तसेच सर्वपक्षीय नेते उपस्थित होते. माजी मुख्यमंत्री देवेंद्र फडणवीस, माजीमंत्री भाजपा प्रदेशाध्यक्ष चंद्रकांत पाटील, विधान परिषदेचे माजी विरोधी पक्षनेते धनंजय मुंडे हे सांत्वनासाठी येणार असल्याची माहिती गिरिष महाजन यांनी दिली.
उदय वाघ यांनी चार वर्षे भाजपचे जिल्हाध्यक्ष म्हणून जबाबदारी पार पाडली. जिल्हाध्यक्ष असताना त्यांनी गावागावात पक्ष वाढविण्यासाठी प्रयत्न केले, अभाविप पासून ते राजकारणात सक्रीय होते.
