जळगाव : महाराष्ट्रातील विविध भागात काच फोडून चारचाकी चोरणाऱ्या दाऊद टोळीतील दोघांच्या स्थानिक गुन्हे शाखेच्या पथकाने बुलडाणा येथून मुसक्या आवळल्या आहे. शेख झिशान दाऊद (वय २७, रा. धाड करडी, जि. बुलडाणा) व शेख सद्दाम शेख कदीर (वय २५, रा. घाटनांद्रा, ता.जि. बुलडाणा) असे या दोघा चोरट्यांनी नावे आहेत. त्यांच्याकडून जामनेर व पहूर येथून चोरलेल्या दोन कार हस्तगत करण्यात आल्या आहेत.
या दोघांनी जळगावसह अकोला, वाशीम, जालना, हिंगोली, नांदेड ग्रामीण व औरंगाबाद जिल्ह्यातून अनेक कार चोरी केल्या आहेत. जळगाव जिल्ह्यातील पहूर व जामनेर येथील कार चोरल्याची माहिती मिळाल्यानंतर पोलीस निरीक्षक किरणकुमार बकाले यांनी सहायक फौजदार अशोक महाजन, शरिफोद्दीन काझी, वसंत लिंगायत, युनूस शेख, किशोर राठोड, रणजित जाधव, श्रीकृष्ण देशमुख, विनोद पाटील, उमेशगिरी गोसावी, मुरलीधर बारी व अशोक पाटील यांचे पथक रवाना केले होते. बुलडाणा येथून ६ लाख ४५ हजार रुपये किमतीच्या कार जप्त केल्या.
