भुसावळ – शहरातील वाल्मिक नगर भागातील ७२ खोली परिसरात एकाला बाजारपेठ पोलिसांनी गावठी पिस्तुलासह मध्यरात्रीच्या सुमारास अटक केली आहे. याबाबत सूत्रांनी दिलेली माहिती अशी कि , ३१ जुलै रोजीच्या मध्यरात्री साडेबारा वाजेच्या सुमारास दोन जण गावठी पिस्तूल बाळगून चोरीच्या उद्देशाने फिरत असल्याची माहिती पोलिसांना मिळाली होती
. त्यानुसार पोलीस निरीक्षक देविदास पवार यांच्या मार्गदर्शनाखाली पोहेकॉ शंकर पाटील,पोना दीपक जाधव,कृष्ण देशमुख, प्रशांत चव्हाण, उमाकांत पाटील, सचिन पोळ , राहुल चौधरी, मंदार महाजन, बंटी कापडणे, मोनाली इसाने यांच्या पथकाने दोघांना ताब्यात घेण्याचा प्रयत्न कंजेला असता दोघे पळू लागल्याने त्यांचा पाठलाग केला असता त्यातील एक जण पोलिसांच्या तावडीत सापडून दुसरा फरार झाला . विशाल राजू टाक वय १९ असे ताब्यात घेतलेल्या आरोपीचे नाव असून त्याच्याकडून गावठीन पिस्तूल आणि दोन जिवंत काडतूस आढळून आले. त्याच्याविरुद्ध बाजारपेठ पोलीस स्टेशनला गुन्हा दाखल करण्यात आला आहे. तपास सुनील जोशी करीत आहे.
