एमपी बस आणि एसटीबसची समोरासमोर धडक

15 विद्यार्थी जखमी ; ममुराबादजवळील घटना

जळगाव – समोरून येणार्‍या बैलगाडीला धडक देण्यापासून वाचविण्याच्या प्रयत्नात एसटी बसने मध्यप्रदेश परिवहनच्या बसला जोरदार धडक दिल्याने झालेल्या अपघातात 15 विद्यार्थी जखमी झाल्याची घटना आज दुपारी 1 वाजेच्या सुमारास ममुराबादजवळील फार्मसी कॉलेज जवळ घडली . जखमींना जिल्हा रुग्णालयात उपचारासाठी दाखल करण्यात आले.
याबाबत सूत्रांनी दिलेली माहिती अशी कि, जळगाव डेपोची बस क्रमांक एमएच -12-1428 हि नांद्राहुन जळगावकडे जात असताना समोर चालणार्या बैलगाडीला वाचविण्याच्या प्रयत्नात समोरून येणार्‍या मध्यप्रदेशची बस क्रमांक एमपी -09 -एफए 5581 ला जोरदार धडक दिली . या अपघातात 15 विद्यार्थी जखमी झाले .
जखमी पुढीलप्रमाणे माया सोनवणे वय 20 ,रोहित न्यायदे वय 18,मोहिनी सपकाळे वय 19, रोहिणी सपकाळे वय 18, हरेश्व्र सोनवणे वय 18, मिताली सोनवणे वय 18 ,सोनल विसपुते वय 17 , सुपडू सपकाळे वय 17, धर्मेश सपकाळे वय 18, अक्षय भालेराव वय 18, विक्रम सपकाळे वय 18, दिनकर सपकाळे वय 18 , वैभव खेडकर वय 18 सर्व रा. धामणगाव ता.जी. जळगाव हे यात जखमी झाले . अपघाताची नोंद करण्याचे काम उशिरापर्यंत सुरु होते .