रावेर – तालुक्यातील विवरे बुद्रक येथील अंजदारोडावरील निलेश भागवत पाटील यांच्या राहात्या घरी अज्ञात चोरट्यांनी चोरी केल्याची घटना आज सकाळी उघडकीस आली. चोरट्यांनी दरवाजाचा कडी-कोयंडा तोडून घरात प्रवेश करून 6 ग्राम सोन्यांची अंगठी व 17 हाजार रुपये किमतीचे दोन मोबाईल तसेच लाहन मुलांचे जमा केलेले तीन हाजार रुपये रोख असा जवळ जवळ 50 हजार रुपयाचा ऐवज चोरून नेला आहे. या घटनेमुळे विवर्यात एकच खळबळ उडाली आहे . समोरिल असलेल्या सुपडू धोंडू पाटील यांच्या घरांच्या बाहेर ठेवलेला तीन हाजार रुपये किमतीचा बुट , पिंजारा सहीत पोपटची चोरी केली आहे . तांडा भागात रहेमान तडवी यांच्या घरात देखील चोरीचा पर्यत्न चोरट्यानी केला आहे .एकच रात्री या चोरट्यांनी विवरे गावत धुमाकुळ घातल्याने नागरिकांमध्ये भितीचे वातावरण निर्माण झाले आहेत.असुन विवरे सह परिसरातील पोलिसांनी रात्रीचा गस्त वाढावा आशी मागणी नागरिकांनी केली आहे
