सोशल प्लॅटफार्म वरून ओळख करून मुलींशी जवळीकता साधून आधी विश्वास संपादित करायचा नंतर भूल थापा देऊन, आमिष देऊन अत्याचार करण्याच्या घटना दिवसेंदिवस वाढत असतांनाचं नागपूर शहरातून एक धक्कादायक घटना समोर आली इन्स्टाग्रामवर ओळख करून मैत्री वाढवून सुतं जुळवलं, लग्नाचे आमीष दाखवून एका २५ वर्षीय युवतीशी शारिरीक संबंध प्रस्थापित करून आरोपीविरुद्ध बजाजनगर पोलिसांनी आरोपी युवकांविरुद्ध गुन्हा दाखल केला आहे.
मोठी अपडेट ; कोरोना टास्क फोर्सची पहिली बैठकीत ; नागरिकांना केलं ‘हे’ आवाहन
अमित सुनिल मालेवार (वय २९, रा. अभ्यंकरनगर, तुमसर जि. भंडारा ह. मु. बजाजनगर) असे आरोपी प्रियकराचे नाव आहे. पोलिसांनी दिलेल्या माहितीनुसार २१ डिसेंबर २०२१ ते १० आॅक्टोबर २०२३ दरम्यान आरोपीचे हुडकेश्वर पोलिस ठाण्याच्या हद्दीत राहणाºया २५ वर्षीय युवतीशी इन्स्टाग्रामवर मैत्री झाली. दोघेही खासगी जॉब करतात. इन्स्टाग्रामवर चॅटींग करताना ते ऐकमेकांच्या प्रेमात पडले. त्यांच्या भेटीगाठी वाढल्या. त्यानंतर आरोपी प्रियकराने तिला लग्नाचे आमीष दाखवून बजाजनगर येथील आपल्या भाड्याने घेतलेल्या खोलीत नेऊन तिच्या इच्छेविरुद्ध तिच्याशी शारिरीक संबंध प्रस्थापित केले.
येणारे नवीन वर्ष खूप शुभ असणार; या राशींच्या व्यक्तींसाठी
युवतीने लग्नाचा हट्ट धरल्यानंतर त्याने नकार दिला. आपली फसवणूक झाल्याचे लक्षात येताच युवतीने बजाजनगर पोलिसात तक्रार दाखल केली. बजाजनगर पोलिस ठाण्याचे सहायक पोलिस निरीक्षक शिवाजी बोरकर यांनी आरोपीविरूध्द कलम ३७६ (२) (एन) नुसार गुन्हा दाखल करून तपास सुरु केला आहे.
