जळगाव : राष्ट्रवादी काँग्रेसचे ज्येष्ठ नेते आमदार एकनाथ खडसे यांनी स्वर्गीय गोपीनाथ मुंडे यांच्याबद्दल गौप्यस्फोट केला. यामुळे राजकीय वर्तुळात खळबळ उडाली आहे. केंद्रीय मंत्री पदासाठी गोपीनाथ मुंडे यांना भाजपने त्रास दिला जे त्यांच्या बाबतीत घडलं तेच आता पंकजा मुंडे यांच्यासोबत घडत आहे, असं एकनाथ खडसे म्हणाले आहे. मलकापूर येथे खाजगी कार्यक्रमानिमित्त आले असता माध्यमांशी बोलताना त्यांनी आपले परखड मत व्यक्त केले.
एकनाथ खडसे म्हणाले, भाजपने नेहमीच ओबीसींची हेळसांड केलेली आहे. भाजपमध्ये आतापर्यंत अण्णासाहेब डांगे, भाऊसाहेब फुंडकर, गोपीनाथ मुंडे यासारख्या अनेक नेत्यांना अपमान सहन करावा लागला. त्याचबरोबर त्रास देण्यात आला.
गोपीनाथ मुंडे हयात असताना त्यांना किती त्रास दिला हे मला माहिती आहे. केंद्र सरकारमध्ये मंत्रिमंडळामध्ये स्थान देण्यासाठी त्यांना पहाटे चार वाजेपर्यंत वाट बघायला लावली होती, त्यावेळी मी त्यांच्यासोबत हजर होतो. भाजप नेते पंकजा मुंडे यांच्या बद्दल विचारणा केली असता त्यांचीही पक्षात उपेक्षा केली जात असल्याचे खडसे यांनी म्हटले.
हे पण वाचा..
धक्कादायक ! मधमाशांचा बाप लेकावर हल्ला; मुलाच्या डोळ्यादेखत वडिलांचा मृत्यू
अत्यंत महत्वाची बातमी! आजपासून मोदी सरकारने केले देशात हे 20 मोठे बदल, काय आहेत घ्या जाणून
आनंदाची बातमी! LPG गॅस सिलिंडर झाला इतक्या रुपयांनी स्वस्त..
8वी, 10वी पाससाठी खुशखबर.. महाराष्ट्र राज्य मार्ग परिवहन महामंडळ, जळगाव इथे मोठी भरती
‘सर्व नेते पक्षाशी एकनिष्ठ राहून पंकजा ताईंना अपमानास्पद वागणूक देण्यात आली. आता पंकजा मुंडे या सक्षम नेत्या आहेत. गोपीनाथ मुंडे यांच्या कन्या आहेत. त्यांना मानणारा खूप मोठा वर्ग आहे, असे खडसे म्हणाले.
‘आता निवडणुका जवळ आल्या आहेत. त्यामुळे यांना आता ओबीसी चेहरा पाहिजे. पंकजाताई या ओबीसी आहेत आणि आता मतांची गरज आहे. त्यामुळे भाजप आता नक्कीच त्यांचा चेहरा निवडणुकांमध्ये वापरणार आहे, असेही खडसे म्हणाले.
