मुंबई : उद्धव ठाकरे यांच्या हातातून शिवसेना नाव आणि चिन्ह देखील गेले. यानंतर भाजप-शिंदे गटाच्या नेत्यांकडून त्यांच्यावर हल्लाबोल करण्यात आला आहे. अशातच आता बॉलीवूड अभिनेत्री कंगना रणावरने उद्धव ठाकरे यांना डिवचले आहे.
कंगनाने टि्वट करीत निवडणूक आयोगाचे निर्णयावर प्रतिक्रिया दिली आहे. ती म्हणाली, वाईट वागल्यानंतर देवांच्या राजाला अर्थात इंद्रालादेखील त्याची शिक्षा मिळत असते.
हा तर फक्त एक नेता आहे. ज्यावेळी त्यांनी माझं घर तोडले, त्यावेळीच मला वाटल होत की यांचे वाईट दिवस आता सुरु होणार. एका स्त्रीचा अपमान करणाऱ्याला देव शिक्षा देतोच. तो आता कधीच उठणार नाही, असे ट्विट कंगनाने केले आहे.
हे पण वाचा..
शेतकऱ्यांसाठी आणखी एक आनंदाची बातमी ; सरकार खात्यात 3,000 रुपये ट्रान्सफर करणार
अत्यंत दुर्दैवी! रुद्राक्ष महोत्सवाहून परततांना भीषण अपघात ; जेठाणी-देराणी ठार
निवडणूक आयोगाकडून उद्धव ठाकरेंना मोठा झटका, शिंदे गटाला शिवसेनेचे नाव आणि धनुष्यबाण चिन्ह
महाशिवरात्रीला ‘या’ राशीच्या लोकांवर नोटांचा वर्षाव होणार, कारणही आहे खास
दरम्यान उद्धव ठाकरे मुख्यमंत्री असताना कंगना राणावत विरुद्ध महाराष्ट्र सरकार हा वाद तेव्हा पेटला होता. याची सुरुवात कंगनाने मुंबईची पाकव्याप्त काश्मिरशी केलेल्या तुलनेपासून झाली. कंगनाने शिवसेनेला तालिबान आणि बाबराची सेना असे म्हटले होते.
तसेच कंगनाच्या कार्यालयावर मुंबई महापालिकेने कारवाई केली होती. त्यावर कंगना उद्धव ठाकरेंना उद्देशून म्हणाली होती, आज माझ घर पाडले आहे, उद्या तुमचा गर्व मोडून पडेल. प्रत्येकाची वेळ येते. यावेळी मोठा वाद निर्माण झाला होता.
