Spread the love

Mumbai murder case: नालासोपाऱ्यात विवाहित महिलेने बॉयफ्रेंडच्या मदतीने पतीची हत्या केली. मृतदेह घरातच पुरून त्यावर टाईल्स लावल्या. धक्कादायक Mumbai murder case.

हे पण वाचा ; सोशल मीडियावरचा साप! इंस्टाग्रामवर ओळख, अल्पवयीन मुलीवर अत्याचार!
घटना जसंच्या तसं…

नालासोपाऱ्याच्या गडगपाडा भागात असलेल्या एका चाळीतील रूममध्ये शांतता होती – पण त्या जमिनीखालून मृत्यूची थंडी उसळत होती. गुडिया चौहान या विवाहित महिलेला तिच्या पतीचा काटा काढायचा होता. कारण ती प्रेमात पडली होती – पतीशिवाय!

तिचं सूत जुळलं होतं मोनू विश्वकर्मा या तरुणाशी. शेजारीच राहत असल्याने संबंध खोल झाले. पण पती विजय चौहान त्यांच्यात अडथळा ठरू लागला… आणि मग झाला एक निर्णय – ‘विजयला संपवायचं.’

हे पण वाचा: CM Relief Fund म्हणजे काय?
हत्या थंड डोक्याने…

प्लान केला गेला. दिवसा घरातच बोलावलं. मोनू आणि गुडियाने विजयला घात केला. थंड डोक्याने त्याची निर्घृण हत्या केली. मृतदेह शेजारच्याच खोलीत जमिनीमध्ये पुरण्यात आला.

पण खऱ्या थरकापाची सुरुवात झाली त्यानंतर…

मृतदेहावर टाईल्स… दीराकडून!

गुन्हा लपवण्यासाठी गुडियाने तिच्या दीराला – म्हणजे पतीच्या भावाला – बोलावलं. म्हणाली, “घरातल्या जमिनीवर टाईल्स लावायच्या आहेत.” तो भोळ्या मनाने आला आणि ज्या ठिकाणी विजयचा मृतदेह गाडलेला होता, तिथेच टाईल्स लावून गेला…एक भयानक गुन्हा नजरेसमोर असूनही कुणालाच संशय आला नाही.

हे पण वाचा : फडणवीस मंत्रिमंडळातील ७ मंत्र्यांना देणार ‘डच्चू’? ते मंत्री कोण?

मोबाईल मेसेजने उलगडला गुन्हा

या घटनेला 15 दिवस लोटले. पण गुडियाच्या मोबाईलमधील एक संशयास्पद मेसेज दोन दिवसांपूर्वी पोलिसांच्या हाती लागला. पोलिसांनी तिला थोडक्याच वेळात बोलतं केलं… आणि बाहेर आला या गुन्ह्याचा भयानक चेहरा.

पोलिसांचा शोध सुरु

गुडिया आणि मोनू सध्या फरार आहेत. पोलिसांनी मृतदेह बाहेर काढण्याची प्रक्रिया सुरू केली आहे. परिसरात भीती आणि संतापाचं वातावरण आहे.या प्रकरणाने नालासोपाऱ्याचा शांत परिसर हादरला आहे. लोक म्हणतात, “हे सोनम रघुवंशी प्रकरण मुंबईत पुन्हा घडलंय!”

थंड डोकं, खून, आणि फसवणूक

ही घटना हे दाखवून देते की गुन्हेगार किती थंड डोक्याने योजना आखतात. घरातच मृतदेह पुरून, त्यावरच टाईल्स बसवणं – ही कल्पनाच अंगावर शहारा आणणारी आहे.

नालासोपारा (पूर्व) येथील गडगपाडा परिसरातील साई वेल्फेअर सोसायटीमध्ये घडलेल्या या थरकापजनक घटनेत गुडिया चमन चौहान या विवाहित महिलेने आपल्या प्रियकर मोनू विश्वकर्माच्या मदतीने पती विजय चौहान याचा खून केला असून, नालासोपारा पोलीस स्टेशनच्या तपासात उघड झालं की या खुनानंतर मृतदेह घरातच जमिनीखाली पुरण्यात आला होता आणि गुन्हा लपवण्यासाठी गुडियाने आपल्या दीराकडूनच त्या ठिकाणी टाईल्स लावून घेतल्या. पती प्रेमात अडथळा ठरतो म्हणून खून करण्याचा निर्णय घेऊन हा गुन्हा केला गेला असून, गुन्हा उघड होण्यामागे महिलेच्या मोबाईलमधील संशयास्पद चॅट हा प्रमुख पुरावा ठरला. तंत्रज्ञानाच्या मदतीने उलगडलेली ही हत्या समाजमन हादरवणारी ठरली आहे.