अमेरिकेत निवडणुका सुरु असून निवडणूक दरम्यान डोनाल्ड ट्रम्प यांच्यावर पुन्हा गोळीबार झाल्याने राजकारण चांगलाच टोकाला गेल्याचं दिसून येतं ट्रम्प यांच्यावर पुन्हा गोळीबाराची घटना घडली असून सुदैवाने ट्रम्प या गोळीबारातून वाचले आहेत ते सुरक्षित आहेत. रविवारी दुपारी फ्लोरिडातल्या ट्रम्प इंटरनॅशनल गोल्फ कोर्सजवळ ही घटना घडली. ट्रम्प यांच्यावर जवळून गोळ्या झाडण्यात आल्या. तर एफबीआयने या घटनेचा तपास सुरू केला असून हा हत्येचा प्रयत्न होता असंही म्हटलंय. ट्रम्प यांच्या प्रवक्त्यांनी आणि गुप्तचर विभागाने याबाबत माहिती दिली.
एफबीआयने स्पष्ट केलंय की गोळीबाराची घटना ही अमेरिकेच्या राष्ट्राध्यक्षपदाच्या निवडणुकीसाठी रिपब्लिकनचे उमेदवार असलेल्या ट्रम्प यांना टार्गेट ठेवून करण्यात आलीय. हत्येचा हा दुसरा प्रयत्न अयशस्वी ठरला. याआधीही ट्रम्प यांना रॅलीत मारण्याचा प्रयत्न झाला होता. गोळीबाराच्या घटनेवर ट्रम्प यांनी स्पष्ट सांगितलं की, या गोळीबाराने घाबरणार नाही. कोणत्याही परिस्थितीत सरेंडर करणार नाही. अमेरिकेच्या गुप्तचर संस्थेने सांगितलं की, या प्रकरणाचा तपास सुरू आहे. घटना दोन वाजता घडली. हल्लेखोराच्या टार्गेटवर डोनाल्ड ट्रम्प हेच होते.
रॉयटर्सने दिलेल्या वृत्तानुसार, ट्रम्प इंटरनॅशनल गोल्फ कोर्सजवळ गोळीबार झाला. ट्रम्प यांनी गोळीबारावर समर्थकांना मेसेज दिला. त्यांनी म्हटलं की, मी सुरक्षित आहे. माझ्या विंसिटीत गोळीबार झाला. कोणत्याही अफवा पसरण्याआधी स्पष्ट सांगतो की मी पूर्णपणे सुरक्षित आणि चांगला आहे. मला कोणीही वाकवू शकत नाही. मी कधीच शरण नाही जाणार. अमेरिकेच्या पोलिसांनी सांगितले की, या प्रकरणातील आरोपीला अटक करण्यात आलीय. त्याचं नाव रेयान वेसली रूथ असं आहे.
व्हाइट हाउसकडून यावर प्रतिक्रिया देण्यात आलीय. राष्ट्राध्यक्ष ज्यो बायडेन आणि डेमोक्रेटिक पक्षाच्या उमेदवार आणि उपराष्ट्राध्यक्षा कमला हॅरीस यांनी या प्रकरणाच्या चौकशीचे आदेश दिले आहेत. या घटनेचा आढावा दोघांनीही घेटला आहे. ट्रम्प सुरक्षित असल्याची माहिती दिलासा देणारी असल्याचं दोघांनी म्हटलं.
