जामनेर तहसीलदार अरुण शेवाळे यांनी मद्यधुंद अवस्थेत गैरवर्तन केल्याचा रणजित महाजन यांचा आरोप!

जामनेर,(बाळू वाघ) – शहराच्या मध्यवर्ती भागातील भुसावळ रोडवर असलेल्या सोनई RO प्युरिफायर येथे काल रात्री 10 वाजेच्या सुमारास जामनेर तहसीलदार अरुण शेवाळे यांनी मध्यधुंद अवस्थेत आपल्या दोन साथीदाराच्या सहाय्याने गैरवर्तन करीत अंगावर धावून येऊन मारण्याचा प्रयत्न केला तर एका मुलाला लाथेने तुडवत हाकलून लावले आहे.असे आरोप संचालक रंणजित महाजन यांनी केला आहे.
कुठलेही कारण नसतांना त्या युवकाला तहसीलदार यांनी लाथांनी तुडवल्याचे सीसीटीव्ही कॅमेऱ्यात कैद असल्याचे ही त्यांनी आमच्या प्रतिनिधीला दाखवले आहे.

रंणजित महाजन यांनी दैनिक नजरकैद च्या प्रतिनिधीशी व्हिडीओ बाईट देतांना सांगितले की, जीवनावश्यक पिण्याच्या पाण्याचा विषय आहे आम्ही इथे आपत्कालीन परिस्थिती मध्ये पाणपोई सुविधा पुरवीत आहे असे असून देखील तहसीलदार यांनी थेट खाजगी गाडीतून येऊन मला शिवीगाळ सुरु केली. उच्चपदस्थ अधिकाऱ्याकडून अशी वागणूक मिळणे अतिशय गंभीर बाब असून अत्यंत घृणास्पद व निंदनीय आहे.या घटनेची उच्चस्तरावरून दखल घेण्यात यावी अशी अपेक्षा संबंधित रंणजित महाजन यांनी केली आहे.याबाबत तहसीलदार श्री. शेवाळे यांच्याशी भ्रमणध्वनी वर संपर्क साधला असता होऊ शकला नाही.