नागपूर – ‘एका गाडीत एकत्र आलो नसलो तरी स्टेशनवर तरी एकत्र आलो आहोत, मात्र एकमेकांचा हात, कमाची साथ आपण तरी सोडणार नाही’ असे म्हणत राज्याचे मुख्यमंत्री उद्धव ठाकरे यांनी केंद्रीय मंत्री नितीन गडकरी यांचे कौतुक केले आहे. मुख्यमंत्री उद्धव ठाकरे यांनी व्हिडिओ लिंकद्वारे मंत्रालयातून नागपूर मेट्रोचे उद्घाटन केले. त्यानंतर केलेल्या भाषणात त्यांनी गडकरी यांचे कौतुक केले.
केंद्रीय मंत्री नितीन गडकरी हे उत्तम काम करणारे मंत्री आहेत असे म्हणून त्यांनी गडकरी गडकरींच्या कामाचे तोंड भरून कौतुक केले. मी देखील आता भाषण करणार असून भाषण करणे म्हणजे नुसते माहिती देणे असे नको. भाषण करत असताना त्या विषयाचा अभ्यास असावा लागतो. अभ्यासपूर्ण भाषण करणारे आपल्या सारखे मंत्री राज्यातच नव्हे, तर देशातही दुर्मिळ आहेत, अशा शब्दांत मुख्यमंत्री उद्धव ठाकरे यांनी नितीन गडकरी यांचा गौरव केला. नागपूर मेट्रोचे उद्घाटन करताना केंद्रीय मंत्री नितीन गडकरी यांनी वेळेच्या आधी काम पूर्ण केल्याचे म्हणत मुख्यमंत्र्यांनी त्यांचे कौतुक केले. या वेळी युतीचे सरकार असताना नितीन गडकरी हे सार्वजनिक बांधकाम मंत्री होते. त्यावेळी मुंबई-पुणे एक्स्प्रेस वेच्या कामाचेही मुख्यमंत्र्यांनी तोंडभरून कौतुक केले.
