श्री राष्ट्रीय राजपूत करणी सेनेचे प्रदेशाध्यक्ष प्रवीणसिंह पाटील यांचे नंदुरबारमध्ये जंगी स्वागत; समाजबांधवांशी साधला संवाद
नंदुरबार, दि. १६ जुलै : श्री राष्ट्रीय राजपूत करणी सेनेचे महाराष्ट्र प्रदेशाध्यक्ष प्रवीणसिंह पाटील यांच्या नंदुरबार जिल्हा दौऱ्यानिमित्त समाजबांधवांकडून उत्स्फूर्त स्वागत करण्यात आले. राष्ट्रीय महासचिव राणा मुकेशसिंह, जिल्हाध्यक्ष गुलाबसिंग राजपूत, तसेच करणी सेनेचे पदाधिकारी, समाजबांधव आणि मित्रपरिवार यांच्या उपस्थितीत त्यांचे स्वागत करण्यात आले.
दौऱ्यादरम्यान प्रदेशाध्यक्ष प्रवीणसिंह पाटील यांनी समाजातील विविध प्रश्न, युवकांचे संघटन, सामाजिक ऐक्य, शिक्षण, रोजगार तसेच समाजहिताच्या विविध विषयांवर उपस्थितांशी सविस्तर संवाद साधला. समाजाच्या सर्वांगीण विकासासाठी संघटितपणे कार्य करण्याची गरज त्यांनी अधोरेखित केली. समाजातील प्रत्येक घटकाने एकजुटीने पुढे येऊन सामाजिक बांधिलकी जपत संघटनेला बळकटी द्यावी, असे आवाहन त्यांनी केले.
बैठकीत उपस्थित समाजबांधवांनी आपल्या समस्या, सूचना आणि अपेक्षा प्रदेशाध्यक्ष प्रवीणसिंह पाटील यांच्यासमोर मांडल्या. त्या सकारात्मकपणे ऐकून संबंधित प्रश्न सोडविण्यासाठी संघटनेच्या माध्यमातून आवश्यक प्रयत्न केले जातील, असे आश्वासन त्यांनी दिले.
या दौऱ्यामुळे नंदुरबार जिल्ह्यातील समाजबांधवांमध्ये उत्साहाचे वातावरण निर्माण झाले असून, श्री राष्ट्रीय राजपूत करणी सेनेचे कार्य अधिक प्रभावीपणे तळागाळापर्यंत पोहोचविण्याचा निर्धार यावेळी व्यक्त करण्यात आला.
दौऱ्याच्या यशस्वी आयोजनासाठी राष्ट्रीय महासचिव राणा मुकेशसिंह, जिल्हाध्यक्ष गुलाबसिंग राजपूत, सर्व पदाधिकारी, समाजबांधव आणि मित्रपरिवार यांचे श्री राष्ट्रीय राजपूत करणी सेना टीमतर्फे मनःपूर्वक आभार व धन्यवाद व्यक्त करण्यात आले.यावेळी श्री राष्ट्रीय राजपूत करणी सेनेचे रोशन राजपूत, वैभव राजपुत व अन्य पदाधिकारी उपस्थित होते.
