जळगाव – येथील रायसोनी अभियांत्रिकी महाविद्यालय सतत आपल्या विद्यार्थ्यांना व्यवसायाभिमुख प्रशिक्षण देऊन त्यांना चांगली नोकरी मिळवून देण्यात अग्रेसर आहे. याच अनुषंगाने महाविद्यालयाच्या यांत्रिकी अभियांत्रिकी विभागात ऑटोडेस्क फ्युजन ३६० (Autodesk FUSION 360) या डिझाईन सॉफ्टवेअर वर कार्यशाळा संपन्न झाली.
११ आणि १२ जानेवारी दरम्यान हि कार्यशाळा विद्यार्थ्यांसाठी निःशुल्क घेण्यात आली. फ्युजन ३६० या डिझाईन सॉफ्टवेअर ची मल्टिनॅशनल कंपन्यांमध्ये मागणी लक्षात घेता विद्यार्थ्यांसाठी प्रशिक्षणाचे आयोजन करण्यात आले. या प्रशिक्षणादरम्यान विद्यार्थ्यांनी सॉफ्टवेअर वर विविध मशीन चे मॉडेल तर बनवलेच, त्यासोबत त्यांनी स्वतःचे मोबाईल, संगणक, आणि गृह उपयोगी वस्तूंचे सुद्धा सुंदर मॉडेल बनवून जणू कार्यशाळेच्या यशस्वितेची पावतीच दिली. ऑटोडेस्क इंडिया प्रायोजित कार्यशाळा ऑटोडेस्क पुणे चे तज्ज्ञ प्रशिक्षक श्री. अनिल चौहान यांच्या मार्गदर्शनाखाली पार पडली. कार्यशाळेच्या आयोजनासाठी महाविद्यालयाच्या यांत्रिकी विभागाचे सहा. प्रा. अविनाश पांचाळ आणि सहा. प्रा. अंकुश भिष्णूरकर यांनी मेहनत घेतली. महाविद्यालयाचे प्राचार्य डॉ. ए. जी. मॅथ्यू यांनी सहभागी विद्यार्थ्यांचे अभिनंदन केले आणि अभ्यासक्रमासोबत च अशा प्रकारच्या प्रशिक्षणाचे अनन्यसाधारण महत्व प्रतिपादित केले. यांत्रिकी विभाग प्रमुख डॉ. संजय निखाडे यांनी विद्यार्थ्यांना या उपक्रमातून मिळणाऱ्या रोजगाराच्या संधी विषयी मार्गदर्शन केले.
