छत्रपती संभाजीनगर – महाराष्ट्र राज्य माध्यमिक व उच्च माध्यमिक शिक्षण मंडळाचा (hsc result) १२ वीचा निकाल आज जाहीर झाला आहे. यंदा राज्यातील १४ लाख २३ हजार ९७० विद्यार्थ्यांनी बारावीची परीक्षा दिली होती. त्यापैकी ९३.३७ टक्के विद्यार्थी उत्तीर्ण झाले असून छत्रपती संभाजीनगर येथील तनिषा या विद्यार्थीनीला प्रत्येक विषयात १०० पैकी १०० गुण मिळाल्याने १०० टक्के मिळवून यश मिळवल्याने सर्वत्र कौतुक करण्यात येत आहे.
तनिषा बोरमणीकर ही छत्रपती संभाजीनगरमधील देवगिरी कॉलेजमध्ये शिकत होती. १२ वी च्या परीक्षेत १०० टक्के गुण मिळवणारी तनिषा ही एकमेव मुलगी आहे. तनिषाचे शिक्षक, कुटुंबियांनी तिच्या या यशाबाबत कौतुक केलं आहे.तनिषाचा आवडता विषय अकंउट्स होता. त्यात तिला ९५ मार्क्स मिळाले. तिला ओसीएम, इकोनॉमिक्स आणि पाली या विषयात १०० मार्क्स मिळाले आहेत.
१२ वी च्या परिक्षेत एकूण ९३.३७ टक्के विद्यार्थी उत्तीर्ण झाले आहेत. यंदाच्या वर्षी राज्यात मुलींनी बाजी मारली आहे. या वर्षी १४ लाख २३ हजार ९७० विद्यार्थ्यांनी बारावीची परिक्षा दिली होती. त्यापैकी एकूण १३ लाख २९ हजार ६८४ विद्यार्थी पास झाले आहेत. यावर्षी एकूण ९१.६० टक्के मुली उत्तीर्ण झाल्या आहेत. राज्यात कोकण विभागात ९७.५१ टक्के विद्यार्थी उत्तीर्ण झाले
Comments 1