जळगाव,(प्रतिनिधी)- लोकसभा निवडणुकीच्या पार्श्वभूमीवर वंचित बहुजन आघाडीचे जळगाव लोकसभेचे उमेदवाराच्या प्रचारार्थ युवा नेते सुजात आंबेडकर उद्या दिनांक ९ मे रोजी जळगाव प्रचार दौऱ्यावर येत असून जळगाव शहरातील नागवंशी बुद्ध विहार प्रिंपराळा हूडको येथे जाहीर सभा होणार आहे.
लोकसभा निवडणूकीच्या पाचव्या टप्प्यात जळगाव जिल्ह्याचा समावेश असल्याने येत्या १३ मे रोजी मतदान होतं असून लोकसभा निवडणुकीच्या पार्श्वभूमीवर सर्वच राजकीय पक्षांनी आपल्या उमेदवारांसाठी प्रचारात आघाडी घेतली आहे. वंचित बहुजन आघाडीचे राष्ट्रीय अध्यक्ष ऍड. बाळासाहेब प्रकाश आंबेडकर यांची पाचोरा, भुसावळ येथे नुकतीच प्रचार सभा झाल्या आहेत दरम्यान वंचित बहुजन आघाडीचे युवानेते सुजात आंबेडकर यांची उद्या जळगावात जाहीर सभा होतं आहे.
