अहमदनगर : गेल्या काही दिवसांमध्ये मराठा आरक्षण ओबीसीच्या कोट्यातून देऊ नये म्हणून मंत्री छगन भुजबळ यांनी राज्यभर सभा घेऊन विरोध दर्शवला असून यामुळे मराठा नेत्यांसह स्वतःच्याच सरकारमधील काही आमदार, नेत्यांनी मंत्री छगन भुजबळ यांना थेट विरोध केला आहे. दरम्यान राजीनामा द्यावा अशी मागणी देखील होतं असतांना आज छगन भुजबळ यांनी मोठा गौप्यस्फोट केला आहे, भुजबळ यांनी अडीच महिन्यापूर्वीच मंत्रिपदाचा राजीनामा दिल्याचं ओबीसी महाएल्गार मेळाव्यातून भाषणा दरम्यान सांगितलं.

पुढे बोलतांना मंत्री छगन भुजबळ म्हणाले की,काल एक जण काहीतरी बडबला की, भुजबळच्या कमरेत लाथ घालून त्याला मंत्रिमंडळच्या बाहेर काढा, मी त्यांना सांगू इच्छितो की,१७ नोव्हेंबरला ओबीसीची पहिली रॅली अंबडला झाली त्याच्या आदल्या दिवशी १६ नोव्हेंबर रोजी मी मंत्रिमंडळ बैठकीला राजीनामा देऊन सभेला गेलो. अडीच महिने मी शांत राहिलो. मुख्यमंत्री, उपमुख्यमंत्री यांनी सांगितले वाच्यता नको, असा गौप्यस्फोट छगन भुजबळ यांनी ओबीसी महाएल्गार मेळाव्यातून केला आहे.

सरकारला घरचा आहेर 

ओबीसी महाएल्गार सभेतून मंत्री छगन भुजबळ यांनी सरकारला घरचा आहेर दिला… ते भाषण करतांना म्हणाले की,मला मुख्यमंत्री एकनाथ शिंदे यांचा अवमान करायचा नाही, पण प्रश्न निर्माण झाले आहेत. तुम्ही २७ तारखेला मोर्चाला सामोरे गेला विरोध नाही, पण तुम्ही त्या मोर्चात मराठ्यांना आरक्षण देऊन छत्रपती शिवाजी महाराजांची शपथ घेतलेली पूर्ण केल्याचे जाहीर केले. त्यामुळे शिवरायांची शपथ पूर्ण झाली असेल, तर मागासवर्गीय आयोग कशासाठी? असा थेट सवाल मंत्री छगन भुजबळ यांनी मुख्यमंत्री एकनाथ शिंदे यांच्यावर गंभीर आरोप केले.फडणवीस साहेब तुमच्या खात्याचा भेदभाव चांगला नाही असं म्हणत दाव  पर सबकुछ लगा है, रुक नाही सकते, तूट सकते है, लेकिन झुक नही सकते, असे छगन भुजबळ यांनी यावेळी म्हटले.

आज अहमदनगरमध्ये ओबीसींचा महासागर उसळला आहे. ओबीसींच्या हक्कांच्या एल्गाराचे हे नवे पर्व नव्या जोमाने सुरू झाले आहे आणि याच ताकदीने ते सुरू राहील! ओबीसींना न्याय मिळेपर्यंत असंही मंत्री छगन भुजबळ म्हणाले.

भाजपा आमदार गोळीबार प्रकरण ;सीसीटीव्ही फुटेजच आलं समोर

अभिनेत्री पूनम पांडे जिवंत ; स्वतः व्हिडीओ समोर येतं खोटी बातमी देण्याचं सांगितलं कारण

८ वी वर्गात शिकणाऱ्या मुलाला अभ्यास कर म्हणून आई रागावली… मुलानं थेट आत्महत्याच केली…

विवाहितेच्या प्रेमात पडला… नंतर रजिस्टर मॅरेजही केलं मात्र नंतर जे घडलं ते धक्कादायकचं

सावधान! शेअर चॅटवरील व्हिडीओ पाहण्याचे टास्क देऊन होतेयं फसवणूक