देशातील अनेक राज्यांमध्ये नव्या वर्षाची सुरुवात कडाक्याच्या थंडीने झाली आहे. नववर्षाच्या पहिल्याच दिवशी दिल्लीत थंडीचा कडाका कायम राहिला असून कमाल तापमान सरासरीपेक्षा दोन अंशांनी कमी म्हणजे १७ अंश सेल्सिअस नोंदवले गेले. याशिवाय इतर ही अनेक राज्यांमध्ये थंडीची लाट येण्याची शक्यता आहे.
भारतीय हवामान शास्त्र विभागाने (आयएमडी) ही माहिती दिली. त्यानुसार ५ ते ११ जानेवारी दरम्यान तापमानात घट होण्याची शक्यता आहे. हवामानातील या बदलामुळे उत्तर भारतातील काही राज्यांमध्ये थंडीची लाट येण्याची शक्यता वर्तवली जात आहे.
