अजितदादांनंतर आता देवेंद्र फडणवीसांनी घेतला ‘हा’ निर्णय ; काय आहे वाचा..

मुंबई: रायगड जिल्ह्यातील इर्शाळगडावरील दुर्घटनेमुळे महाराष्ट्र हादरुन गेला. मुसळधार पावसात दरड कोसळून झालेल्या दुर्घटनेत इर्शाळवाडीतली अनेक घर गाडली गेली. या दुर्घटनेत आतापर्यंत १६ जणांचा जीव गेला आहे.तर 98 जणांना वाचवण्यात बचाव पथकाला यश आलं आहे. दरम्यान, या पार्श्वभूमीवर राज्याचे उपमुख्यमंत्री देवेंद्र फडणवीस यांनी 22 जुलै असणारा आपला वाढदिवस साजरा न करण्याचा निर्णय घेतला आहे.

तर काल उपमुख्यमंत्री अजित पवार यांनीही त्यांचा वाढदिवस साजरा न करण्याचा निर्णय घेतला. परिस्थितीचे गांभीर्य लक्षात घेता त्यांनीही आपला वाढदिवस साजरा न करण्याबाबत सांगितले. दोन्ही नेत्यांचा वाढदिवस 22 जुलैलाच असतो.

हे पण वाचा..

मोठी बातमी! दोन वर्षानंतर खडसेंचे जावई गिरीश चौधरींना जामीन मंजूर

जिल्हाधिकाऱ्यांच्या संवेदनशीलतेचे दर्शन! अपघातग्रस्त तरूणांसाठी ठरले देवदूत

‘हा’ प्रसिद्ध अभिनेता वयाच्या ५० व्या वर्षी बनला चौथ्यांदा बाबा ; पोस्ट करत दिली गोड बातमी

मोदी सरकारचा मोठा निर्णय! आता स्वस्तात मिळणार तांदूळ, निर्यातीबाबत घेतला हा निर्णय?

उपमुख्यमंत्री देवेंद्र फडणवीस आणि अजित पवार यांचा उद्या (22 जुलै) वाढदिवस आहे. उपमुख्यमंत्र्यांच्या वाढदिवशी त्यांना शुभेच्छा देण्यासाठी कार्यकर्ते व हितचिंतकांनीही गर्दी जमवणारे कोणतेही कार्यक्रम आयोजित न करता त्यासाठी खर्च होणारा निधी इर्शाळवाडीसाठी वापरण्यात यावा, असे आवाहनही उपमुख्यमंत्री देवेंद्र फडणवीस यांनी केले आहे.

तसेच देवेंद्र फडणवीस यांचा वाढदिवस हा भाजपकडून सेवा दिन साजरा करण्यात येणार आहे. फडणवीस यांच्या वाढदिवशी भाजपचे नेते कार्यकर्ते लोकांना सेवा देणार असल्याची माहिती बावनकुळे यांनी दिली आहे. तसेच इर्शाळवाडी घटनेनेमुळे कुणीही वाढदिवस साजरा करू नये, मोठे होर्डिंग लावू नयेत असे आदेश भाजप कार्यकर्त्यांना देण्यात आले आहेत.