श्री. आनंद मल्हारा यांच्या दृष्टिकोनातून…. उष्ण आणि रखरखीत वातावरणात परंपरागत आणि प्राचीन अशा वास्तुकलेचा आजच्या युगात वापर करणे आणि तो सुसंगत असणे ही तशी धाडसाची आणि अनोखी बाब आहे. पण जळगावसारख्या अतिशय उष्ण आणि रखरखीत वातावरण असलेल्या ठिकाणी याचा अतिशय खुबीने आणि कलात्मकतेने वापर करण्यात एमआयडीसी मधील सीएमवायके प्रिंटिंग प्रेस यशस्वी ठरलंय.
सीएमवायके प्रिंटिंग प्रेस ही मुळात ”मल्हार कम्युनिकेशन्स” या डिझाईन फर्मची असोसिएट आहे. एमआयडीसी सारख्या उष्ण क्षेत्राचा, जळगावच्या वातावरणाचा आणि क्लायंटच्या सुविधेचा विचार करून एमआयडीसी सारख्या ठिकाणी पत्र्याच्या शेडची फॅक्टरी न उभारता आरसीसी स्ट्रक्चर उभे करण्याचा निर्णय प्रेसचे मालक आनंद मल्हारा यांनी घेतला. भव्य अशा प्रिंटिंग मशीन, प्रिंटेड पेपर्स, प्रिंटेड जॉब्स, इंक टीन्स, कट पेपर्स यासाठी यासाठी लागणाऱ्या जागेचा विचार करून त्यानुसार फॅक्टरीच्या आतील बांधकाम करतांनाच त्याचा विचार करून त्याप्रमाणे आतील जागेचा योग्य आणि पुरेपूर वापर होईल याचा विचार करून बांधकाम करण्यात आले आहे. इमारतीचे डिझाईन २३ सेमीच्या आणि ९० सेमीच्या विटांच्या भिंतीने परिपूर्ण आहे. एकूण खर्चाच्या परिणामकारकतेचा विचार करता आरसीसी स्ट्रक्चर, ब्रिकवर्क आणि सिमेंट प्लास्टर हे पारंपरिक बिल्डिंग मटेरियल आणि तंत्रज्ञान यासाठी वापरण्यात आले आहे.
इंटिरिअरचे सौंदर्य अबाधित आणि वातावरणातील गारवा बनून राहण्यासाठी येथील स्लॅब्सचे बॉटम उघडे ठेवण्यात आले आहेत. कपाटांमुळे इंटेरिअर मधील जागा इतर वस्तूंपासून दूर राहण्यास मदत झाली आहे, ही अतिशय वाखाणण्याजोगी बाब आहे विशेष करून उन्हाळ्यात ४५ डिग्री पर्यंत जाणाऱ्या तापमानात तरी. पेपर आणि पूर्ण झालेल्या जॉबसाठी साऊथ – वेस्ट साईडच्या स्ट्रॅटेजिक लोकेशनचा अतिशय खुबीने वापर करण्यात आला आहे.
