जळगावात अवघ्या १९ वर्षीय तरुणाने मृत्यूला कवटाळले ; कारण गुलदस्त्यात

जळगाव । सध्या आत्महत्या करणाऱ्यांचे प्रमाण दिवसेंदिवस वाढतच असल्याचे दिसून येत आहे. अशातच जळगावात अवघ्या १९ वर्षीय तरुणाने मृत्यूला कवटाळले आहे. शहरातील सुप्रीम कॉलनीतील १९ वर्षीय तरुणाने राहत्या घरात दोरीने गळफास घेऊन आत्महत्या केल्याची घटना आज सकाळी उघडकीस आल्याने खळबळ उडाली आहे.

आकाश सुरेश शेरे (वय-१९) रा. सुप्रीम कॉलनी, जळगाव असे मयत झालेल्या तरुणाचे नाव आहे. मुलाने गळफास घेतल्याचं दिसताच आईने एकच हंबरडा फोडला होता. आत्महत्या करण्याचे कारण अद्याप समोर आलेले नाही.

जळगाव शहरातील सुप्रीम कॉलनीत राहणारा आकाश शेरे हा आई सविता आणि लहान भाऊ दीपक यांच्यासोबत वास्तव्याला होता. तो एमआयडीसी परिसरात चहाची टपरी चालवून आपला उदरनिर्वाह करत होता. नेहमीप्रमाणे सकाळी ६ वाजता आकाशाने आईला चहाच्या टपरीवर सोडून तो परत घरी आंघोळ करण्यासाठी आला होता. दरम्यान त्याने राहत्या घरात गळफास घेऊन आत्महत्या केली. आकाश हा टपरीवर का आला नाही, त्यामुळे त्याची आई सविता यांनी घरी आल्या. घरात जाताच आकाशने छताला दोरीच्या साह्याने गळफास घेऊन आत्महत्या केल्याचे दिसताच आईने एकच हंबरडा फोडला होता.

हे पण वाचा..

पोहण्याचा मोह जीवावर बेतला, खडकवासला धरणात नऊ मैत्रिणी बुडाल्या ; दोघींचा मृत्यू

वाढत्या महागाईवर खुशखबर! 3 वर्षातील सर्वात कमी महागाई दर, या गोष्टी झाल्या स्वस्त..

अवनीत कौरच्या बोल्ड लूकने इंटरनेटचा पारा वाढवला; फोटो पाहून चक्रावून जाल

एकांत ठिकाणी नेऊन चिमुकलीवर लैंगिक अत्याचार ; चाळीसगाव हादरलं

आईने आरडाओरड केल्यानंतर शेजारी राहणारे नागरिक व तरुणांनी एकच धाव घेऊन मृतदेह खाली उतरवून जिल्हा शासकीय वैद्यकीय महाविद्यालयात दाखल करण्यात आला. मात्र वैद्यकीय अधिकारी डॉ. नम्रता अच्छा यांनी तपासणीअंती मयत घोषित केले. मयताच्या पश्चात आई सविता, भाऊ दीपक आणि दोन विवाहित बहीण असा परिवार आहे. शेवटचे वृत्त हाती आले तेव्हा एमआयडीसी पोलीस ठाण्यात अकस्मात मृत्यूची नोंद घेण्याचे काम सुरू होते.