सामनेर ता. पाचोरा (प्रतिनिधी) येथील दि. 28 रोजी ग्रामसभा आयोजित करण्यात आली होती परंतु गामसेवकाने सरपंच व सदस्य यांना विश्वासात न घेता ग्रामसभा रद्द केल्याने सांमनेर येथील ग्रामस्थांनी संताप व्यक्त केला व ग्रामसेवकाला घेराव घातला सरपंच सौ. दगुबाई पाटील यांचा सर्वासमोर बडजबरी अंगठा घेतल्यामुळे सर्व सदस्य व ग्रामस्थ संतप्त झाले या ग्रामसभेला सुरवात होत असताना जवळपास 70 ते 80 गामस्थ उपस्थित होते व काही ग्रामस्थ जागेअभावी बाहेर उभे होते परंतु गामसेवक एस.आर. पाटील यांनी शेजारील बसलेल्या सरपंच याची इच्छा नसताना बडजबरीने अंगठा घेतला यामुळे संतप्त सदस्य व ग्रामस्थानी संताप व्यक्त केला व ग्रामसेवकाला घेराव घालून जाब विचारला असता तुमच्यावर जे होईल ते करा माझं कोणीच काही करू शकणार नाही असे अरेरावी पणे सांगितले सामनेर येथील ग्रामसेवकाविषयी या पूर्वी गामस्थ व सदस्य यांनी वारंवार तक्रारी केल्या परंतु वरिष्ठ अधिकारी याचा त्यांना पाठबळ असल्यामुळे त्याच्यावर कोणतीही कारवाई आजपर्यंत झाली नाही नेमके पाणी मुरते कुठे असा सवाल गामस्थ उपस्थित करत आहेत आजपर्यंत 14 व्या वितआयोगाचे जवळपास 40 ते 42 लाख रुपये पडून आहेत त्याचे आजपर्यंत कोणतेही काम झाले नाही.
सर्व सदस्य देणार सामुदायिक राजीनामा
सामनेर येथील सर्व ग्रामपंचायत सदस्य गामसेवकाच्या मनमानी कारभारामुळे देणार राजीनामा 14 व्या वित्त आयोगाचा निधी पडून असून,तसेच कामात अनिमियता ,महत्वाचे ठराव कमेटीला विश्वासात न घेता परस्पर देणं,ग्रामपंचायत मधील विविध प्रकारचे दाखले देताना अडवणूक करणे गावातील मूलभूत सुविधा साठी सदस्य यांनी प्रश्न उपस्थित केला तर त्याकडे दुर्लक्ष केले जाते त्यामुळे आमचा निवडून येऊन लोकांचे कामे केवळ ग्रामसेवकाच्या मनमानी मुळे आम्ही सामुदायिक राजीनामा देणार असल्याचे सांगितले यावेळी ग्रामपंचायत सदस्य प्रवीण पाटील,महेश पाटील,सौ प्रीती साळुंखे, मालती पाटील, मंगलबाई बडगुजर यांनी सांगितले.
कुठलाही मनमानी कारभार सुरु नसून आचार संहिता व सरपंच यांच्या राजीनाम्या मुळे कामांना अळथळा निर्माण झाला होता. कामे लवकरच सुरु होतील. नियमानुसार कोरम पूर्ण नसल्याने 28 ची ग्रामसभा रद्द करण्यात आली होती. सदर सभा येत्या 5 डिसेंबरला बोलावली आहे. सर्व नियमानुसार काम सुरु आहे. उलट माझ्यावर बेकायदेशीर कामे करण्यासाठी दबाव आणल्या जातो. त्यामुळेच माझ्यावर असे आरोप करून दबाव टाकत असल्याचा आरोप होत आहे.
–एस. आर. पाटील
ग्राम विस्तार अधिकारी, सामनेर
