मुंबई : आपल्या पाहुण्याला देवाचा दर्जा दिला जातो. अतिथि देवो भव.. असं म्हटलं जाते. आपण कोणत्याही समाजाचे असोत, पण भारतातील प्रत्येक घरात पाहुण्याला देवासारखाच मान दिला जातो. मात्र संपूर्ण देशाला लाजवेल अशी घटना मुंबईतून समोर आली आहे. पश्चिम उपनगरातील खार इथं एका कोरियन युट्युबर तरुणीची दोघा तरुणांनी छेड काढली होती. या संतापजनक प्रकाराचा व्हिडीओ सोशल मीडियात व्हायरल झाला होता. अखेर या प्रकरणी पोलिसांनी दोघा तरुणांना अटक केलीय.
व्हिडिओमध्ये दिसत असलेल्या महिलेचे नाव म्ह्योची आहे. कोरियन युट्युब तरुणीसोबत दोघा तरुणांनी छेड काढली होती. खार येथील सद्गुरु हॉटेलच्या लेनवर दोन मुलांनी केलेला प्रकार कॅमेऱ्यातही कैद झाला होता.तिला दुचाकीवर बसण्यासाठी बळजबरी करणं, या तरुणीच्या इच्छेविरुद्ध तिचा हात पकडणं, तिच्याशी जवळीक साधणं, असा प्रकार या दोघा तरुणांनी केली होता. या घटनेमुळे कोरियन तरुणी प्रचंड घाबरली होती. या घटनेचा व्हिडीओ सोशल मीडियात प्रचंड व्हायरल झाला होता.
Breaking News: In a viral video, Mobeen Chand Mohammad Shaikh and Mohammad Naqeeb Sadrealam Ansari – arrested for molesting a Korean woman YouTuber during a live streaming.
Khar Police (Mumbai) registered an FIR u/s 354 IPC and arrested both of them.
+ pic.twitter.com/wSkne3GMLH— Ashwini Shrivastava (@AshwiniSahaya) December 1, 2022
या प्रकाराचा व्हिडीओ समोर आल्यानंतर पोलिसांनी पीडित महिलेशी संपर्क साधून या घटनेची माहिती घेतली. त्यानंतर कलम 354, 354 ड, आणि 34 भादवि अन्वये गुन्हा दाखल केला.
