पुणेः- मराठी माणसाने साता समुद्रापार त्याच्या कर्तृत्वाचा झेंडा फडकावला आहे. ज्याप्रमाणे सैनिक बांधव सीमेपलीकडील शत्रूपासून आपले सरंक्षण करतात त्याच धर्तीवर सीमांपलीकडे गेलेले मराठी बांधव आपली मराठी भाषा, संस्कृती, परंपरा यांच्या संरक्षणाचे काम करत असतात. कलेच्या माध्यमातून सांधला जाणारा हा संवाद सेतू नव्या इतिहासाची नांदीच आहे, असं मत महाराष्ट्र साहित्य परिषदेचे कार्याध्यक्ष प्रा. मिलींद जोशी यांनी व्यक्त केलं.
रोटरी क्लब ऑफ पुणे हेरिटेजतर्फे हेरिटेज विश्व मराठी एकांकिका स्पर्धा आयोजित करण्यात आलीय. या स्पर्धेच्या बोधचिन्हाचे अनावरवरण अखिल भारतीय मराठी चित्रपट महामंडळाचे अध्यक्ष आणि अखिल भारतीय मराठी नाटय परिषदेच्या पुणे शाखचे अध्यक्ष मेघराज राजेभोसले आणि महाराष्ट्र साहित्य परिषदेचे कार्याध्यक्ष प्रा. मिलींद जोशी यांच्या हस्ते झाले. हेरिटेज विश्व मराठी एकांकिका स्पर्धेची मूळ संकल्पना लीना गोगटे आणि अविनाश ओगले यांची आहे. पुण्यातील राष्ट्रीय चित्रपट संग्रहालयाच्या सभागृहात येत्या जानेवारीत १६ ते १९ तारखेदरम्यान ही स्पर्धा होणार आहे.
या एकांकिकांच्या माध्यमातून जगात विखुरलेल्या मराठी बाधंवाशी नाळ जोडली जाईल. या उपक्रमाला प्रोत्साहन म्हणून महाराष्ट्र साहित्य परिषदे देखील या उपक्रमात क्रियाशिल सहभाग घेईल. तसेच या एकांकिका सर्पर्धेत सहभागी प्रत्येक संघाला मराहाराष्ट्र साहित्य परिषदेकडून स्मृतीचिन्ह देऊन सन्मानित करण्यात येईल, अशी घोषणा प्रा. मिलिंद जोशी यांनी यावेळी केली. परदेशी स्थित मराठी बांधवांनी या उपक्रमाला दिलेला प्रतिसाद पाहता रंगभूमीचे भविष्य उज्जवल आहे. या एकांकिका दूरचित्रवाहिनी किंवा सॅटलाइटद्वारे युट्यूब सारख्या अद्ययावत तंत्रज्ञानावरुन प्रसारित करण्याच्या दृष्टीने अखिल भारतीय मराठी चित्रपट महामंडळ सर्वोतोपरी प्रयत्न करेल, असं आश्वासन मेघराज राजेभोसले यांनी दिलं.
जगभर विखुरलेल्या महाराष्ट्र मडळ आणि मराठी थेटर ग्रुपच्या कलाकारांना एकाच व्यासपीठावर कलेच्या माध्यमातून बांधता यावे म्हणून महाराष्ट्र मंडळांची जागतीक एकांकिका स्पर्धेची संकल्पना पुढे आली आणि या बोधचिन्ह अनावरण कार्यक्रमाच्या माध्यमातून पहिले पाऊल उचलले गेले आहे, असं अविनाश ओगले म्हणाले.
महाराष्टीय मंडळांनी आपआपल्या केंद्रात एकांकिका बसवायाची असून त्याचे शुटिंग करुन ते भारतात रोटरी कल्ब ऑफ पुणे हेरिटेजच्या स्पर्धा समन्वयकांकडे पाठवायचे. त्या सर्व सहभागी स्पर्धक एकांकिकांचे पुण्यातील अद्ययावत प्रेक्षागृहात प्रक्षेपण होऊन नामवंत परिक्षकांकडून त्याचे परिक्षण केले जाणार आहे. त्यातील विजेत्या संघाना पारितोषीके देण्यात येतील. आता पर्यंत अमेरिकेतून सात, न्यूझीलंड मधून दोन आणि ऑस्ट्रोलियातून एक अशा एकूण, सोळा प्रवेशिका आल्या आहेत, अशी माहिती लीना गोगटे यांनी दिली.
