जळगाव : २४ वर्षीय तृतीयपंथीने भाडेकरारावर राहत असलेल्या घरात ओढणीने गळफास घेत आत्महत्या केल्याची घटना जळगाव शहरातील सुप्रिम कॉलनी परिसरात घडलीय. राणा उर्फ रहीम शेख रसाय (वय २४) असे मयत तृतीयपंथीचे नाव आहे.
जळगाव जिल्ह्यातील यावल तालुक्यातील दहिगाव येथील तराणा उर्फ रहीम ही चार महिन्यांपूर्वी सुरत येथून जळगावात आली होती. शहरातील सुप्रिम कॉलनीत ती एकटीच भाड्याच्या घरात राहत होती. दरम्यान, तिचा लहान भाऊ हुसेन शेख रयास हा तिच्या घरासमोर आपल्या पत्नीसह वास्तव्यास होता.
काय घडलं ‘त्या’ रात्री?
गुरुवारी १६ जून रोजी रात्री तराणा हिने आपल्या भावाकडे जेवण केले, त्यानंतर ती आपल्या घरी निघून गेली. शुक्रवारी १७ जून रोजी सकाळी ८.३० वाजताच्या सुमारास तराणा हिची वहिनी तिला चहा देण्यासाठी गेली असता, घराचा दरवाजा आतून बंद होता. त्यानंतर खिडकीतून पाहिले असता तराणा हिने ओढणीच्या सहाय्याने गळफास घेतल्याचे दिसून आले..
हे पण वाचा :
अजूनही संधी गेली नाही! राज्यसेवेच्या पूर्व परीक्षा प्रवेशासाठी मुदत, लगेचच अर्ज करा
राज्यातील पावसाबद्दल हवामान खात्याने वर्तविला हा अंदाज, नेमका काय आहे वाचा
विधान परिषद निवडणुकीपूर्वी खडसे अन् शिंदेंची भेट, भेटीमुळे अनेकांच्या भुवया उंचावल्या
याबाबत एमआयडीसी पोलीसांना माहिती देण्यात आली. पोलीस कर्मचारी गणेश शिरसाळे व संदीप धनगर यांनी घटनेचा पंचनामा केला. व मृतदेह जिल्हा शासकीय रूग्णालयात दाखल करण्यात आला. आत्महत्या करण्याचे कारण अद्याप समजू शकले नाही. याबाबत एमआयडीसी पोलीस ठाण्यात अकस्मतात मृत्यूची नोंद करण्यात आली आहे. तिच्या पश्‍चात वडील, दोन भाऊ, वहिनी, बहिण असा परिवार आहे.
