नागपूर : नागपूर शहरातील हुडकेश्वर पोलीस ठाणे परिसरात सुरू असलेल्या सेक्स रॅकेटचा गुन्हे शाखेच्या सामाजिक सुरक्षा पथकाने भांडाफोड केला. विशेष म्हणजे, चक्क एक पेन्शनर महिला हे सेक्स रॅकेट चालवायची, अशी धक्कादायक माहिती समोर आली आहे. रेखा उर्फ अनिता पाचपोर असे सेक्स रॅकेट चालवणाऱ्या महिलेचे नाव आहे.
पोलिसांनी केलेल्या या कारवाई दोन महिलांची सुटका करण्यात आली आहे. तर सूत्रधार महिलेला अटक करण्यात आली आहे. आोपी महिला ही नियमित पतीची पेन्शनही घेत होती, अशी माहिती समोर आली आहे. रेखा उर्फ अनिता पाचपोर ही महिला सेक्स रॅकेट चालवत होती. नरसाळा मार्ग येथील संत ज्ञानेश्वर नगरात हा धक्कादायक प्रकार सुरू होता, अशी माहिती पोलिसांना मिळाली होती. यानंतर पोलिसांनी लगेचच कारवाई केली.
पोलिसांनी एक सापळा रचला. तसेच खोटा ग्राहक त्याठिकाणी पाठवला. हा ग्राहक त्याठिकाणी पोहोचल्यावर त्याच्या लक्षात आले की ही माहिती खरी आहे, त्यानंतर पोलिसांना कळवले. पोलिसांनी त्याठिकाणी लगेचच छापा टाकला. पोलिसांनी केलेल्या या कारवाईत दोन मुलींची सुटका करण्यात आली आहे. तर सूत्रधार महिला रेखा उर्फ अनिता पाचपोर हिला अटक करण्यात आली आहे. रेखाला यापूर्वीदेखील अशाच प्रकारात पकडण्यात आले होते. गरजू आणि गरीब महिला तसेच मुलींना ती आपल्या जाळ्यात ओढायची. यानंतर देहव्यापारात ढकलायची. ग्राहकांकडून मिळणाऱ्या रकमेपैकी निम्मी रक्कम रेखा ही देहव्यापार करण्याऱ्या महिलांना देत असे.
