पत्रकारास धमाकाविल्या प्रकरणी पत्रकार संरक्षण कायद्यांतर्गत गुन्हा दाखल यावा अशी मागणी चाळीसगाव तालुक्यासह जिल्ह्यातील पत्रकारांनी भूमिका घेतली असून महाराष्ट्र राज्य मराठी पत्रकार संघ, जळगाव जिल्हयाच्या वतीने पत्रकार संरक्षण कायद्या अंतर्गत गुन्हा दाखल करावा अशी मागणी करण्यात येतं आहे.
चाळीसगाव येथील पत्रकार महेंद्र तुकाराम सूर्यवंशी यांना रतन वडर (रा. वाघळी )व गणेश पंडित महाजन (रा. टाकळी प्र.चा) या दोघांनी दिनांक ३१ जानेवारी २०२२ रोजी सकाळी १० वाजता शहरातील खरजई नाक्यावर अडवून जीवे ठार मारण्याची धमकी दिली की ३१ जानेवारीला वनविभागाने लाकडाने भरलेला एक ट्रक पकडला होता ,त्यावर कारवाईदेखील करण्यात आली मात्र हा ट्रक तू फोन केल्याने पकडण्यात आला, असा आरोप वरील दोघांनी पत्रकार महेंद्र सूर्यवंशी यांच्यावर केला. आणि त्यांना मोबाईलवर देखील शिवीगाळ करत दमबाजी करून खरजई नाक्यावर येण्यास सांगितले या ठिकाणी ते आल्यानंतर समजूत काढण्या ऐवजी त्यांनी तुला ट्रॅक्टर खाली घेऊन ठार मारू तुझ्या प्रेताचा देखील तपास लागू देणार नाही. अशी धमकी दिलीअसा आरोप महेंद्र सूर्यवंशी यांनी केला असून तशी फिर्याद देखील दिली आहे.
पत्रकार महेंद्र सूर्यवंशी यांना धमाकावल्या प्रकरणी आरोपी गणेश पंडित महाजन, रतन वडर यांच्या विरुद्ध आयपीसी ५०४, ५०६, ३४ प्रमाणे गुन्हा दाखल करण्यात आला आहे.
