मुंबई: मागील २२ दिवस इंधन दर स्थिर ठेवणाऱ्या कंपन्यांनी आज अखेर पेट्रोल दरात वाढ केली आहे. त्याच बरोबर डिझेलचा दर सलग चौथ्या दिवशी वधारला आहे. आज पेट्रोल २२ दिवसांनी महागले असून, डिझेल २५ पैशांनी महागले आहे. त्यापूर्वी पेट्रोलियम कंपन्यांनी सोमवारी केवळ डिझेल दरात वाढ केली होती. मात्र, आज (मंगळवार) पेट्रोल आणि डिझेल या दोन्हीचे दर वाढलेले पाहायला मिळत आहेत.
जळगावातील दर : आज जळगावमध्ये पेट्रोलचा प्रति लिटरचा दर १०८.७२ रुपये आहे. तर डीझेलचा प्रति लिटरचा दर ९६.६३ रुपये इतका आहे.
पेट्रोलियम कंपन्यांनी ०१ आणि ०५ सप्टेंबर रोजी पेट्रोलच्या दरात अनुक्रमे १५ पैशांची कपात केली होती. त्यानंतर पेट्रोलच्या दरांमध्ये कोणताही बदल करण्यात आलेला नाही. मात्र, त्यानंतर पेट्रोल २० ते २२ पैशांनी महाग झाले आहे. मुंबईत एक लीटर पेट्रोलचा भाव १०७.४७ रुपये आहे. दिल्लीत पेट्रोल १०१.४७ रुपये आहे. चेन्नईत पेट्रोलचा भाव ९९.१५ रुपये इतका आहे. कोलकात्यात एक लीटर पेट्रोल १०१.८७ रुपये झाला आहे. भोपाळमध्ये साध्या पेट्रोलचा भाव १०९.८५ रुपयांवर गेला आहे.
डिझेलचा २५ पैशांनी महागले
गेल्या सलग तीन दिवसांपासून डिझेलचा दर वाढवण्यात आला आहे. आज डिझेल पुन्हा २५ पैशांनी वधारले. आजच्या दरवाढीनंतर मुंबईत एक लीटर डिझेलचा भाव ९७.२१ रुपये झाला आहे. दिल्लीत डिझेल ८९.५७ रुपये झाला आहे. चेन्नईत ९४.१७ रुपये आणि कोलकात्यात डिझेलचा भाव ९२.६७ रुपये प्रती लीटर इतका आहे. तर, भोपाळमध्ये डिझेलचा दर सर्वाधिक असून, तो ९८.४५ रुपये प्रती लीटर झाला आहे.
