नवी दिल्ली : जर तुम्ही एचडीएफसी बँकेचे ग्राहक असाल तर तुमच्यासाठी नक्कीच एक चांगली बातमी आहे. डिजिटल बँकिंग सेवेत आणखी सुधारणा आणण्यासाठी एचडीएफसी बँकेने एक मोठा निर्णय घेतला आहे. बँकेच्या काही सेवा शनिवार ते रविवार 18 तास बंद राहतील, अशी माहिती बँकेनं दिलीय.
कोणत्या वेळेत राहणार बंद?
एचडीएफसी बँकेने कळवले आहे की, या सेवा 21 ऑगस्ट 2021 रोजी रात्री 9 ते 22 ऑगस्ट 2021 रोजी दुपारी 3 पर्यंत प्रभावित होतील. ग्राहकांना होणाऱ्या गैरसोयीबद्दल खेद असल्याचे बँकेचे म्हणणे आहे. त्याच वेळी त्याला अपेक्षा आहे की, ग्राहक या कामात त्याला सहकार्य करतील.
कोणत्या सेवा बंद राहणार?
बॅंकेने दिेलेल्या माहितीनुसार, या वेळेत नेटबॅकिंग आणि मोबाईलवरील बॅकिंग सेवा बंद राहणार आहे. जर तुम्हाला नेटबॅकिंग आणि मोबाईल बॅकिंग संदर्भात काहीही काम असेल तर ते आज संध्याकाळी 6 वाजेपर्यंत करावे लागणार आहे. त्यानंतर तुम्ही जर याकडे दुर्लक्ष केले तर तुम्हाला दोन दिवस याची वाट पाहावी लागेल.
बँकेने काय सांगितले ते जाणून घ्या?
प्रिय ग्राहक, एचडीएफसी बँकेबरोबर बँकिंग केल्याबद्दल धन्यवाद. आम्हाला आशा आहे की तुम्ही आणि तुमचे प्रियजन सुरक्षित असाल. आपल्याला सर्वोत्तम डिजिटल बँकिंग अनुभव देण्यासाठी आमच्या सतत प्रयत्नांचा भाग म्हणून आम्ही नियोजित देखभाल करत आहोत. या उपक्रमादरम्यान कर्जाशी संबंधित सेवा प्रभावित होतील. या गैरसोयीबद्दल आम्ही दिलगीर आहोत.
