महाराष्ट्राचा ‘गमावलेला राजकीय ऑक्सिजन’ मिळविण्याचा प्रयत्न करतंय
सरकारी संस्थांना हाताशी धरून महाराष्ट्राचा ‘गमावलेला राजकीय ऑक्सिजन’ मिळविण्याचा प्रयत्न भाजपा करतंय असा खळबळ जनक आरोप राष्ट्रवादी काँग्रेचे नेते आमदार रोहित पवार यांनी ट्विट करून केला आहे. माजी गृह मंत्री अनिल देशमुख यांच्या मुंबई, नागपूर येथील घरावर सीबीआय ने आज छापेमारी केली त्यानंतर आमदार रोहित पवारांनी भाजपावर निशाणा साधला आहेत.
आमदार रोहित पवार ट्विट करून म्हणाले…
देशभरात ऑक्सिजन अभावी रुग्णांचा मृत्यू होत असताना त्याकडं दुर्लक्ष करत भाजप मात्र CBI,ED यांसारख्या सरकारी संस्थांना हाताशी धरुन आपला गमावलेला महाराष्ट्राचा ‘राजकीय ऑक्सिजन’ मिळवण्याचा प्रयत्न करतंय. त्यांचे नेते बोलतात आणि काही दिवसांतच तशी कारवाई होते. याचा अर्थ स्पष्ट आहे.
राज्यातील सत्ता गेल्याच्या दुःखातून ते अजूनही सावरले नाहीत. पण त्यांना माझी विनंती आहे, की आज लोकांना #Oxygen, #Remdesivir, #vaccine मिळत नसल्याने लोक अडचणीत आहेत. त्यामुळं स्वतःच्या राजकीय दुःखाकडं लक्ष न देता अडचणीतील जनतेचं दुःख दूर करण्याचा प्रयत्न करा, ते तुमचं कर्तव्य आहे.
भाजप कडून सरकारी यंत्रणाचा गैरवापर होतं असल्याचा आरोप रोहित पवार यांनी करून भाजपावर हल्लाबोल चढवीला आहे.
