जळगाव, (प्रतिनिधी)- पंढरपूर विधानसभा पोटनिवडणुकीसाठी महाविकास आघाडीच्या उमेदवारासाठी शिवसेनेचे नेते,राज्याचे पाणीपुरावठा मंत्री ना. गुलाबराव पाटील यांच्यावर प्रचार सभेची जबाबदारी पक्षानं सोपवली आहे.
महाविकास आघाडीचे उमेदवार भगीरथ भालके यांच्या प्रचारार्थ
बुधवार दि 14 एप्रिल 2021 सकाळी 10.00 वाजता भोसे ता. मंगळवेढा येथे दुपारी 3.00 वाजता शिवतीर्थ, शिवाजी चौक पंढरपूर येथे जाहीर सभा होणार आहे.
शिवसेनेची बुलंद तोफ म्हणून गुलाबराव पाटील यांची ओळख आहे. राष्ट्रवादी, काँग्रेस, शिवसेना अर्थात महाविकास आघाडी ही पोट निवडणूक एकत्र येउन लढत आहे. हा मतदार संघ राष्ट्रवादी पक्षाचा बालेकिल्ला असला तरी यावेळेस शिवसेनेची साथ मिळाल्याने याठिकाणी महाविकास आघाडीला आपला उमेदवार निवडून आणण्यासाठी सोपं जाणार असल्याचं म्हटलं जातं आहे.दरम्यान भाजपानं ही निवडणूक अत्यंत महत्वाची केली आहे.
देवेंद्र फडणवीस यांनी काल पंढरपूर येथे भाजपाच्या उमेदवार प्रचारार्थ सभा घेऊन सरकारवर हल्लाबोल केला होता. यावेळी बोलतांना फडणवीस म्हणाले होते की,सरकारचा भ्रष्टाचार, जागा दाखवायची असेल तर ही पहिली संधी आहे.लोक म्हणतात एका मतदारसंघाची निवडणूक आहे, काय फरक पडणार, त्याने सरकार बदलणार आहे का? अरे सरकार बदलायचं माझ्यावर सोडा, मी बघतो. पण या मतदारसंघाची निवडणूक महत्त्वाची आहे.
या सरकारचा भ्रष्टाचार, जागा दाखवायची असेल तर ही पहिली संधी आहे. असल्याचं म्हणत देवेंद्र फडणवीस यांनी महाविकास आघाडी सरकारवर जोरदार हल्ला केला.
