जळगाव, (प्रतिनिधी)- जळगाव वनविभाग जळगाव येथे कार्यरत असलेले वनपरीक्षेत्र अधिकारी राजेंद्र राणे(R.G. Rane) यांची सामाजिक वनिकरण विभाग जळगाव येथे सहाय्यक वनसंरक्षक पदावर पदोन्नती झाली असून तसे आदेश दि.30 मार्च रोजी निघाले आहेत.
वनपरिक्षेत्र अधिकारी आर. जी. राणे यांची वन विभागातील वनक्षेत्रपाल गट – ब संवर्गातील सन २०१९- २० निवड सूचीतून सहाय्यक वन संरक्षक,गट – अ (कनिष्ठ श्रेणी) या संवर्गातील खुल्या प्रवर्गासाठीच्या राखीव जागेवर निव्वळ तात्पुरत्या स्वरूपात पदोन्नतीने नियुक्ती सार्वजनिक सेवेच्या हितार्थ व प्रशासकीय सोयीच्या दृष्टीने करण्यात आली असल्याचं आदेशात नमूद आहे.
आर. जी. राणे यांनी वनविभागात यापूर्वी वन परिक्षेत्र अधिकारी म्हणून जामनेर, मुक्ताईनगर, वाढोदा, रावेर आणि जळगाव या वनपारिक्षेत्रात सेवा बजावली असून उत्कृष्ट कामगिरी बद्दल त्यांना राज्य शासनातर्फे यापूर्वीचं गौरविण्यात आले आहे
