जळगाव, (प्रतिनिधी)- शेतीच्या ७/१२ उत्ताऱ्यावर मंडळाधिकाऱ्याने लावलेल्या पत्नीच्या नावाला तहसीलदार यांनी काढलेली हरकत नोटीस रद्द साठी दोन लाखाची लाच स्विकारल्या प्रकरणी बोदवड येथील तहसीलदार, मंडळाधिकरी, तलाठी यांच्या विरुद्ध गुन्हा दाखल करण्यात आला आहे.तक्रारदार पुरुष,वय-53, रा.फैजपुर, ता.यावल, जि.जळगाव येथील आहेत.
या प्रकरणी आरोपी- हेमंत भागवत पाटील, वय-४०, तहसिलदार बोदवड, तहसिल कार्यालय,बोदवड. रा-भरडी, ता.जामनेर.ह.मु.बोदवड, ता.बोदवड,जि.जळगाव. वर्ग-१.
,संजय झेंडू शेरनाथ, वय-४७, मंडळ अधिकारी,बोदवड,तहसिल कार्यालय,बोदवड, रा- प्रभाकर हॉल जवळ, श्रीराम निवास अपार्टमेंट,दुसरा मजला,ब्लॉक नं.6 भुसावळ.ता.भुसावळ, जि.जळगाव. वर्ग-३.
,निरज प्रकाश पाटील, वय-३४, तलाठी बोदवड, तहसिल कार्यालय,बोदवड. रा- हेडगेवार नगर,बोदवड, ता.बोदवड, जि.जळगाव. वर्ग-३ यांनी तक्रारदार यांना पाच लाख
लाचेची मागणी केली होती.तडजोडीअंती दोन लाख ठरले होते त्या नुसार दोन लाखाची लाच पंचासमक्ष दि.18 डिसेंबर रोजी स्वीकारल्याने लाच लुचपत प्रतिबंधक विभागाचा सापळा यशस्वी ठरला.
हे आहे लाचेचे कारण
तक्रारदार यांनी त्यांचे पत्नीच्या नावे सन-२००२ मध्ये बोदवड तहसिलच्या हद्दीत शेत खरेदी केली होती व सदर शेतीच्या ७/१२ उताऱ्यावर त्यांच्या पत्नीचे नाव लावण्यात आले होते. नंतर कालांतराने सदर शेतीच्या उताऱ्यावर परत मुळ मालकाचे नाव आल्याने तक्रारदार यांनी मंडळ अधिकारी यांना भेटून पुन्हा सदर शेतीच्या ७/१२ उत्ताऱ्यावर त्यांच्या पत्नीचे नाव लावले व उतारा घेतला नंतर सदर उताऱ्याबाबत तहसिलदार बोदवड यांनी हरकत घेऊन संबंधीत पुरावा देण्याची नोटीस काढली व सदर काढलेली नोटीस रद्द करण्याच्या मोबदल्यात आरोपी क्रं.1 यांच्यावतीने आरोपी क्रं.2 व 3 यांनी तक्रारदार यांचेकडे प्रथम 5,00,000/-रूपयांची मागणी करून तडजोडीअंती 2,00,000/- रुपये लाचेची मागणी केली. सदर लाचेची रक्कम आरोपी क्रं.2 यांनी दि.18 /12/2020 रोजी पंचासमक्ष स्वीकारली.
हॅश व्हॅल्यू घेण्यात आली असून फोटोग्राफ घेण्यात आले आहेत.
सापळा व मदत पथक
Dy.S.P. गोपाल ठाकुर, PI.संजोग बच्छाव, PI.निलेश लोधी, सफौ.रविंद्र माळी, पोहेकॉ.अशोक अहीरे, पोहेकॉ.सुनिल पाटील, पोहेकॉ.रविंद्र घुगे, पोहेकॉ.सुरेश पाटील, पोना.मनोज जोशी, पोना.सुनिल शिरसाठ,पोना.जनार्धन चौधरी, पोकॉ.प्रविण पाटील, पोकॉ.महेश सोमवंशी, पोकॉ.नासिर देशमुख, पोकॉ.ईश्वर धनगर.
