जळगाव – शासन अधिग्रहित डॉ.उल्हास पाटील नॉन कोविड रुग्णालयात सामान्य रुग्णालयातील २०० च्यावर रेफर रुग्णांवर अद्यापही मोफत उपचार सुरु असून यापुढेही महात्मा फुले जनआरोग्य योजनेंतर्गत जिल्हा सामान्य रुग्णालयातील रुग्णांना मोफत उपचार सुरु राहणार आहे. गेल्या सहा महिन्यांपासून जिल्हा सामान्य रुग्णालय म्हणून डॉ.उल्हास पाटील नॉन कोविड रुग्णालयाचे ३५० बेड शासनाने अधिग्रहित केलेले होते. आजपावेतो या रुग्णांवर मोफत उपचार सुरु होते. परंतु आता जिल्हा सामान्य रुग्णालय स्थलांतर झालेले असले तरी अनेक रुग्ण डॉ.उल्हास पाटील वैद्यकीय महाविद्यालय व रुग्णालयात उपचारासाठी येत आहेत. त्यांची परवड होवू नये म्हणून अशा रुग्णांना महात्मा फुले जनआरोग्य योजनेंतर्गत मोफत उपचाराची सुविधा दिली जात असून रुग्ण सममाधानी असल्याचे चित्र दिसून येते. गेल्या सहा महिन्यात डॉ.उल्हास पाटील नॉन कोविड रुग्णालयात उपचार घेतलेल्या रुग्णांनी येथील सेवेचे कौतुक करत आपल्या भागातील रुग्ण उपचारासाठी या रुग्णालयात पाठविले. जिल्ह्यातील जनतेसाठी आधारस्तंभ ठरलेल्या या रुग्णालयात आजही उपचार घेण्याचा कल रुग्णांमध्ये दिसून येत आहे. येथील एकाच छताखाली उपलब्ध सेवा सुविधा आणि त्यामुळे उपचारात मिळणारा दिलासा रुग्णांना प्रभावित करुन गेला. आजही अनेक रुग्ण जिल्हा सामान्य रुग्णालयाऐवजी डॉ.उल्हास पाटील नॉन कोविड रुग्णालयात उपचारासाठी येत आहेत. अशा रुग्णांची परवड न होवू देता त्या रुग्णांना योजनेंतर्गत मोफत उपचार करुन देत असल्याने आजही दोनशेच्यावर रुग्ण उपचार घेत आहेत. यापुढेही जिल्हा सामान्य रुग्णालयातील रुग्णांसाठी मोफत उपचारासाठी सुविधा योजनेंतर्गत उपलब्ध करुन देण्यात आली आहे. तरी जास्तीत जास्त रुग्णांनी या सेवेचा लाभ घ्यावा असे आवाहन डॉ.उल्हास पाटील रुग्णालय प्रशासनाने केले आहे. जनसेवेची संधी मिळाल्यावर रूग्णांचे समाधान झाल्याचा आनंद — डॉ उल्हास पाटील शासनाने जून महिन्यात डॉ.उल्हास पाटील रुग्णालय हे जिल्हा सामान्य रुग्णालय म्हणून अधिग्रहित केले होते त्याचबरोबर रुग्णालयातील विस्तारित भाग पाहता कोविड रुग्णालय म्हणून देखील अधिग्रहित केले होते. यामुळे कोविडसह अन्य सर्वसामान्य रुग्णांची सेवेची संधी मिळाली. कोविडकाळातही रुग्णांवर उपचार करत त्यांना दिलासा दिला, यामुळे रुग्ण देखील आजारातून मुक्त होत आनंदाने घरी जात,रूग्णांच्या चेह—यावरचे समाधान ही आमच्या कामाची पावती असून माजी खासदार डॉ उल्हास पाटील यांनी आनंद व्यक्त केला आमच्या रुग्णालयातून आता जिल्हा सामान्य रुग्णालयाचे स्थलांतर झाले असले तरी यापुढेही रुग्णांना योजनेंतर्गत मोफत उपचार देत असून त्याचा लाभ घ्यावा असेही आवाहन डॉ. पाटील यांनी केले आहे.
