रावेर (प्रतिनिधी)- श्रीराम मॅक्रो व्हिजन ॲकेडमी रावेर या सी बी एस ई इंग्रजी माध्यमाच्या शाळेत प्रेरणा सत्राचे आयोजन करण्यात आले आहे. आजच्या स्पर्धात्मक युगात विद्यार्थ्यांचा सर्वांगिण विकास व्हावा तसेच तो जागतिक स्पर्धेत टिकावा आणि यश मिळविण्यासाठी त्याचा आत्मविश्वास वाढावा, त्याला आलेले मानसिक नैराश्य दूर होवून विद्यार्थी जीवनाचा पूरेपूर शैक्षणिक आनंद घ्यावा हा मुख्य उद्देश प्रेरणा सत्राचा आहे. या प्रेरणा सत्रासाठी प्रेरक म्हणून श्री उत्तम शर्मा अहमदाबाद (गुजरात) येथून गुगल मीटद्वारे विद्यार्थ्यांना शैक्षणिक मार्गदर्शन करणार आहेत.
श्री उत्तम शर्मा हे टाईम्स ऑफ इंडिया या गृपचे प्रादेशिक प्रशिक्षण व्यवस्थापक या पदावर रूजू असून त्यांनी विद्यार्थ्यांसोबतचा सुसवांदाला तब्बल 11 वर्ष पुर्ण झालेले आहे. तसेच श्री शर्मा यांना माजी राष्ट्रपती डॉ ए पी जे अब्दुल कलाम यांच्या हस्ते पुरस्कार देखील मिळविला आहे.
कोरोनाच्या रूपाने आलेल्या जागतिक संकटामुळे सर्व शाळा आणि सर्व व्यवहार बंद आहे आणि याचा परिणाम विद्यार्थ्यांवर बराच झालेला आहे. विद्यार्थ्यांचे रोजचे शैक्षणिक चक्र बंद पडले. त्यामुळे घरात राहून नेहमी मोबाईल आणि टिव्ही यामुळे विद्यार्थ्यांमध्ये नैराश्याचे प्रमाण वाढले आहे. हे नैराश्य दूर करून सकारात्मकता त्यांच्यात निर्माण होणे अती महत्वाचे आहे. विद्यार्थी वर्ग मानसिकदृष्टया खंबीर राहावा. विद्यार्थ्यांचे दररोजचे मोकळेपणाने हिंडणे बागडणे बंद झाले आहे तसेच त्यांचे वैयक्तिक स्वातंत्र्य हिरावले आहे. या नैराश्यातून बाहेर येण्यासाठी प्रेरणासत्राचा विद्यार्थ्यांना फायदा खूप मोलाचा ठरेल.
संस्थाध्यक्ष श्रीराम पाटील यांनी विद्यार्थ्यांच्या सर्वागिण प्रगतीसाठी शाळेत सर्व शैक्षणिक सुविधा उपलब्ध करून दिल्या आहेत आणि भविष्यासाठी प्रयत्नशिल आहेत. प्रशासक किरण दुबे, प्राचार्य जीवन सपकाळे सर व शाळेच्या प्रशासन विभागाच्या प्रयत्नाने वरिल सत्राचे आयोजन करण्यात येत आहे. अशा अनेक शैक्षणिक उपक्रमांमध्ये शाळा अग्रेसर आहे.
