जळगाव – शहरातील खाजगी रूग्णालयांनी नाकारल्यानंतर सामान्य रूग्णालयात प्राथमिक उपचार व नंतर डॉ उल्हास पाटील रूग्णालयाने दाखविलेली माणूसकी अन् तत्पर उपचारांमुळे सर्पमित्राचा जीव वाचला आहे. कोब्राचा डंख झालेला सर्पमित्र रवींद्र भोई यांची प्रकृती आता धोक्याबाहेर असुन डॉ. उल्हास पाटील रूग्णालय हे खरोखरच देवालय असल्याची भावना सर्पमित्र रविंद्र भोई यांनी व्यक्त केली.
सर्पमित्र रविंद्र भोई यांना कोब्रा जातीच्या सापाने दंश केल्यावर त्यांना उपचारासाठी शहरातील काही खाजगी रूग्णालयात हलविण्यात आले. मात्र कोरोनामुळे शहरातील खाजगी रूग्णालयांकडुन रूग्णांन भरती करून घेण्यात असमर्थता दर्शविली जात आहे. त्यामुळे सर्पमित्र रवींद्र भोई यांना तातडीने सामान्य रूग्णालयातील प्राथमिक उपचारानंतर डॉ. उल्हास पाटील रूग्णालयात दाखल करण्यात आले. डॉ. पाटील रूग्णालयाने क्षणाचाही विलंब न करता सर्पमित्र भोई यांच्यावर उपचाराला सुरवात केली. डॉ. उल्हास पाटील रूग्णालयातील मेडीसीन तज्ञ डॉ पाराजी बाचेवार, डॉ सी डी सारंग यांनी उपचार सूरू केले. डॉ. पाटील रूग्णालयातील डॉक्टरांनी धोका ओळखून भोई यांच्यावर तातडीने उपचार केले. त्यांची प्रकृती आता धोक्याबाहेर आहे.
डॉ. उल्हास पाटील रूग्णालय खरोखरच देवालय – रवींद्र भोई
रवींद्र भोई यांनी त्यांच्यासोबत घडलेल्या प्रसंगाबद्दल नाराजी व्यक्त करतांना सांगितले की, जर सर्पमित्रावर अन्याय होत असेल तर सर्वसामान्याचे काय? असा सवालही उठवला आहे. समाजात आम्ही सर्पमित्र आपला जिव धोक्यात टाकून अनेकांचे प्राण वाचवत असतांना आमच्यावर वाईट प्रसंग आल्यावर शहरातील अनेक डॉक्टरांनी उपचारास नकार दिला. शेवटी सामान्य रूग्णालय मदतीस धावून आल्याने रात्री प्राथमिक उपचार झाले. सकाळी रविंद्र भोई यांना डॉ. उल्हास पाटील वैद्यकिय महाविद्यालय व रूग्णालयात नॉन कोविड वार्डात दाखल करण्यात आल्यावर ताबडतोब उपचारास सुरूवात झाली. डॉ. पाटील रूग्णालयातील स्टाफने दाखविलेली माणूसकी आणि तत्पर उपचारामुळे आज माझे प्राण वाचल्याची भावना रवींद्र भोई यांनी व्यक्त केली.
