पाचोरा (प्रतिनिधी) – शहरातील एसटी बस डेपो मध्ये कॉग्रेस आरोग्य सेवा सेल आणि नित्यसेवा होमीओपॅथीक क्लिनिक यांच्या संयुक्त विद्यमाने रोगप्रतिकारक शक्ती वाढण्यास मदत होईल अशा होमीओपॅथीक गोळ्या कामगार आणि अधिकारी यांना वाटण्यात आल्या.
कोरोना लढाईत एसटी महामंडळाच्या गाड्यांची दुरुस्ती सुरु आहे यात जवळपास शंभर हुन अधिक अधिकारी आणि कर्मचारी या महामंडळाच्या डेपो मध्ये हजेरी लावत आहेत त्यामुळे पाचोरा शहरात कॉग्रेस आरोग्य सेवा सेल तर्फे प्रदेश सरचिटणीस राहुल गांधी युथ ब्रिगेड महाराष्ट्र प्रभारी सचिन सोमवंशी यांनी गेल्या दोन महिन्यांपासून विविध होमीओपॅथीक क्लिनिक च्या सौजन्याने होमीओपॅथीक गोळ्या मोफत वाटप चे कार्य सुरू केले आहे.
एसटी महामंडळाच्या पाचोरा डेपो मध्ये होमीओपॅथीक तज्ञ डॉ. सदानंद वाणी यांच्या नवकांर प्लाझा येथील ‘नित्यसेवा होमीओपॅथीक क्लिनिक’ आणि ‘आरोग्य सेवा सेल जळगाव जिल्हा’ यांच्या संयुक्त विद्यमाने रोगप्रतिकारक शक्ती वाढण्यास मदत होईल असे होमीओपॅथीक गोळया मोफत वाटप करण्यात आले यावेळी डॉ. सदानंद वाणी, सचिन सोमवंशी यांनी मार्गदर्शन केले यावेळी डेपो मॅनेजर देवेंद्र वाणी, एटीस मनोज तिवारी, टिआय सागर फिरके, संभाजी ब्रिगेड चे मुकेश तुपे, जखदीश खिलोशिया, इंटक चे सचिव डीबी महाले, वरीष्ठ लिपीक रविंद्र पाटील, विनोद पाटील, एम सी पाटील जाकीर पटवे, बंटी पाटील, आदी उपस्थित होते यावेळी कामगारांच्या आरोग्याची काळजी घेतल्या बद्दल आभार व्यक्त केले
