कासोदा आज पासून ३मे पर्येंत कडकडीत बंद : गावकऱ्यांनी घेतला पुढाकार

कासोदा ता.एरंडोल प्रतिनिधी – कोरोना च्या पार्श्वभूमीवर सध्या परिस्थिती लक्षात घेता येथील ग्रामस्थांनी पोलीस स्टेशनमध्ये भरवली तातडीची मिटिंग घेऊन 1ते 3 मे तीन दिवस बंद ठेवण्याचा निर्णय घेण्यात आला आहे.

सविस्तर वृत्त असेकी कोरोना चा संसर्ग गुणाकार पद्धतीने वाढवून जिल्ह्यात कोरोना रुग्ण झपाट्याने वाढत आहे. व कासोद्या पासून अवघ्या २२ किलोमीटर पर्यंत पाचोऱ्यातच ४ रुग्ण सापडल्याने कोरोना पासून बचाव व्हावा म्हणून कासोद्यातील
ग्राम पंचायत सरपंच , कोरोना दक्षता समिती , पत्रकार बांधव व सर्व पक्षीय कार्यकर्त्यांनी एकत्रित येऊन सोशल डिस्टन चा उपयोग करून मिटिंग घेत एकत्रित निर्णय घेतला
शहरात दि .३० एप्रिल रात्री १२ ते ३ मे पर्येंत पूर्णपणे सील करण्यात येणार असल्याचे पोलीस प्रशासना तर्फे सांगण्यात आले . यावेळी भाजीपाला ‘ किराणा माल या सारख्या जीवनावशक वस्तूची दुकाने सुध्दा पूर्ण पणे बंद असणार आहेत .या मुळे कोरोनाची साखळी तोडण्यास मदत होईल तरी शहरातील सर्व व्यापारी दुकानदार यांनी याची नोंद घेऊन प्रशासनास सहकार्य करावे ‘ या कालावधीत नागरिकांनी कुठल्याही प्रकारच्या कामासाठी घराबाहेर पडू नये घरात रहा सुरक्षित रहा
विना कारन कोणी बाहेर आढळल्यास कार्यवाही करण्यात येईल. असे सपोनि रविंद्र जाधव यांच्या तर्फे सांगण्यात आले .