अकोला : देशात लोकसभा निवडणुकांची रणधुमाळी सुरू आहे. वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांच्यामुळे अकोला मतदारसंघ नेहमीच चर्चेत राहिला आहे. त्यांना निवडणूक आयोगाकडून प्रेशर कुकर चिन्ह मिळाले आहे. तसेच वंचितच्या अन्य उमेदवारांना रोड रोलर, शिट्टी, कपाट हे चिन्ह मिळाले आहे.
ॲड. आंबेडकर हे अकोला लोकसभा मतदारसंघात ‘प्रेशर कुकर’ हे चिन्ह घेऊन निवडणूक लढवणार आहेत. आंबेडकर स्वतः उमेदवार असल्याने हा मतदारसंघ राजकीय वर्तुळात चर्चेचा विषय होत आहे. वंचित बहुजन आघाडीची ताकद पाहता यंदा आंबेडकरांच्या बाजूने निकाल लागणार अशी जोरदार चर्चा आहे. त्यामुळे या मतदार संघाकडे राज्यातील जनतेचे लक्ष लागले आहे. तसेच आंबेडकर यांना मिळालेल्या कुकर चिन्हामुळे अनेकांचे प्रेशर वाढले आहे.
—
