नवी दिल्ली : जागतिक बाजारातून मिळालेल्या संमिश्र संकेतांमुळे आज सोन्याच्या दरात घसरण सुरूच आहे. आठवड्याच्या शेवटच्या व्यवहाराच्या दिवशी सोन्याच्या दरात घसरण होत असून, सध्या सोन्याचा दर दीड वर्षाच्या नीचांकी पातळीवर आहे. अशा परिस्थितीत तुम्हालाही सोने-चांदी खरेदी करायची असेल तर तुमच्यासाठी एक आनंदाची बातमी आहे.
आज सोन्या-चांदीचा भाव किती आहे?
मल्टीकमोडिटी एक्सचेंज (MCX) वर आज सकाळी सोन्याचा भाव 30 रुपयांनी घसरून 50,345 रुपये प्रति 10 ग्रॅम झाला, तर MCX वर चांदीचा भाव सकाळी 76 रुपयांनी घसरून 55,335 रुपये प्रति किलो झाला. याआधी सोन्याचा व्यवहार ५०,३८५ रुपयांवर सुरू झाला होता, तर चांदीचा व्यवहार ५५,४३५ रुपयांवर सुरू होता. इतकेच नाही तर सोन्याचा भाव सध्या मागील बंद किमतीपेक्षा ०.०६ टक्क्यांनी घसरत आहे, तर चांदीचा भाव सध्या मागील बंद किमतीपेक्षा ०.१४ टक्क्यांनी घसरत आहे.
जागतिक बाजारपेठेची स्थिती काय आहे?
जागतिक बाजारातही सोन्या-चांदीच्या दरात सातत्याने घसरण सुरू आहे. आज, अमेरिकन बाजारात सोन्याची स्पॉट किंमत $1,713.47 प्रति औंसवर आली, जी मागील बंद किंमतीपेक्षा 0.32 टक्क्यांनी कमी आहे. दुसरीकडे, चांदीची स्पॉट किंमत देखील $ 18.76 प्रति औंस होती, जी मागील बंद किंमतीपेक्षा 0.30 टक्के कमी आहे. इतकेच नाही तर जागतिक बाजारात सोन्याची किंमत एक दिवस आधी ऑगस्ट २०२१ नंतरच्या नीचांकी पातळीवर पोहोचली होती. म्हणजेच जागतिक बाजारातही सोन्याची सातत्याने घसरण होत आहे.
हे पण बघा..
गुलाबराव पाटलांनी आदित्य ठाकरेंवर साधला पहिल्यांदाच टोला, म्हणाले..
भरधाव रुग्णवाहिका टोलनाक्याला धडकली, 3 जण ठार, घटनेचा भयानक VIDEO समोर
जळगाव युवसेनेला भगदाड ; २०० पदाधिकाऱ्यांचे राजीनामे
देवेंद्र फडणवीसांच्या वाढदिवसाला नाथाभाऊंच्या शुभेच्छा.. अनेकांच्या भुवया उंचावल्या
महाराष्ट्रातील बड्या शहरातील दर
गुड रिटर्न्स वेबसाईटनुसार(Good Return Website) मुंबईमध्ये 24 कॅरेट सोन्याची किंमत 50,180 प्रति 10 ग्रॅम आहे. मुंबईत 22 कॅरेट सोन्याची किंमत प्रति 10 ग्रॅम 46,000 रुपये आहे. पुण्यात 24 कॅरेट सोन्याचा दर 50,220 रुपये आहे तर प्रति 10 ग्रॅम 22 कॅरेट सोन्याचा दर 46,040 आहे. नागपूर मध्ये 24 कॅरेट सोन्याचा दर 50,220 रुपये आहे तर प्रति 10 ग्रॅम 22 कॅरेट सोन्याचा दर 46,040 आहे. नाशिकमध्ये 22 कॅरेट सोन्याचा दर 46,040 आहे तर प्रति 10 ग्रॅम 24 कॅरेट सोन्याचा दर 50,220 रुपये आहे. तर चांदीचा भाव प्रति 10 ग्रॅम 556 रुपये होता.
