सोने महागले, तर चांदी घसरली ; काय आहेत आजचे दर?

नवी दिल्ली : आंतरराष्ट्रीय घडामोडीमुळे सोने आणि चांदीचे दर वरखाली होत असल्याचे दिसून येतेय. आज आठवड्याच्या शेवटच्या व्यवहारात सोन्याच्या भावात वाढ झाली आहे. तर चांदीच्या भावात घसरण झाली आहे.

काय आहे आजचा दर?

सोन्या-चांदीच्या दराबाबत रोज बदल होतात. आज 999 शुद्धता असलेले सोने 101 रुपयांनी महाग झाले आहे. 995 शुद्धता असलेल्या सोन्याचा भाव 100 रुपयांनी वाढला. याशिवाय 916 शुद्धतेचे सोने आज 92 रुपयांनी महाग झाले. त्याचबरोबर 750 शुद्धता असलेल्या सोन्याच्या दरात आज 76 रुपयांची वाढ झाली आहे. याशिवाय 585 शुद्धता असलेले सोने आज 59 रुपयांनी महाग झाले. तर एक किलो चांदी आज 219 रुपयांनी स्वस्त झाली आहे.

राज्यातील चार शहरातील भाव
गुड रिटर्न्स वेबसाईटनुसार मुंबईमध्ये 22 कॅरेट सोन्याची किंमत प्रति 10 ग्रॅम 47,500 रुपये आहे. मुंबईत 24 कॅरेट सोन्याची किंमत 51,830 प्रति 10 ग्रॅम आहे. पुण्यात प्रति 10 ग्रॅम 22 कॅरेट सोन्याचा दर 47,530 असेल तर 24 कॅरेट सोन्याचा दर 51,580 रुपये असेल. नागपूर मध्ये प्रति 10 ग्रॅम 22 कॅरेट सोन्याचा दर 47,530 तर 24 कॅरेट सोन्याचा दर 51,580 रुपये इतका असेल. नाशिकमध्ये 22 कॅरेट सोन्याचा दर 47,530 आहे तर प्रति 10 ग्रॅम 24 कॅरेट सोन्याचा दर 51,580 रुपये आहे. चांदीचा आजचा प्रती 10 ग्रॅमचा दर 577 रुपये आहे. उत्पादन शुल्क, राज्य कर आणि जडणघडणीसाठी आकरले जाणारे शुल्कामुळे (मेकिंग चार्जेसमुळे) सोन्याच्या दागिन्यांच्या किंमती भारतभर बदलतात.

हे देखील वाचा.. 

गुडन्यूज..! खाद्यतेलाच्या किंमती आणखी कमी होणार, तेल कंपन्यांना सरकरने दिले ‘हे’ आदेश

आता अजित पवारांना धक्का ; ‘या’ संघटनेच्या अध्यक्षपदाचा द्यावा लागणार राजीनामा

चर्चा तर होणारच ! उज्ज्वल निकम एकनाथ शिंदेंच्या भेटीने तर्कवितर्कांना उधाण

शेतकऱ्यांनो काळजी घ्या ; पुढचे 8 दिवस राज्यातील ‘या’ जिल्ह्यांना इशारा

घरबसल्याच दर तपासता येतात
तुम्ही तुमच्या घरी बसूनही सोन्याची किंमत तपासू शकता. इंडियन बुलियन अँड ज्वेलर्स असोसिएशनच्या मते, तुम्ही 8955664433 या क्रमांकावर मिस्ड कॉल देऊन किंमत तपासू शकता. तुम्ही ज्या नंबरवरून मेसेज कराल त्याच नंबरवर तुमचा मेसेज येईल.

सोन्याची शुद्धता कशी तपासायची
सोन्याची शुद्धता तपासण्यासाठी तुम्ही सरकारी अॅप देखील वापरू शकता. ‘बीआयएस केअर अॅप’द्वारे तुम्ही सोन्याची शुद्धता खरी आहे की नकली हे तपासू शकता. याशिवाय तुम्ही या अॅपद्वारे तक्रारही करू शकता.