मुंबई : देशभरात अपघाताचे प्रमाण दिवसेंदिवस वाढत चालले आहे. याच दरम्यान, रस्त्ये रस्ते अपघातात फेम अभिनेत्रीचं निधन झाल्याने सिनेसृष्टी पुन्हा हादरली आहे. ‘साराभाई वर्सेस साराभाई’ फेम अभिनेत्री वैभवी उपाध्यायचं निधन झालं आहे. हिमाचल प्रदेशामध्ये कार अपघातात वैभवीचा मृत्यू झाला आहे. आता चंडिगडहून कुटुंबीय तिचं पार्थिव मुंबईत आणत आहेत. तिच्या पार्थिवावर आज (24 मे 2023) सकाळी 11 वाजता मुंबईत अंत्यसंस्कार करण्यात येणार आहेत.
वैभवीच्या (Vaibhavi Upadhyay) निधनाच्या बातमीला ‘साराभाई वर्सेस साराभाई’ या मालिकेचे निर्माते जेडी मजेठिया (JD Majethia) यांनी दुजोरा दिला आहे. त्यांनी ट्वीट केलं आहे,”आयुष्य खूप विचित्र आहे. ‘साराभाई वर्सेस साराभाई’ या मालिकेत वैभवी जस्मिनच्या भूमिकेत होती. या मालिकेच्या माध्यमातून ती घराघरांत पोहोचली आहे. वैभवी एक उत्कृष्ट अभिनेत्री होती. आता रस्ते अपघातात माझ्या मैत्रिणीचं निधन झालं आहे. सकाळी 11 च्या सुमारास तिच्यावर अंत्यसंस्कार करण्यात येणार आहेत”.
सेलिब्रिटींसह चाहत्यांकडून शोक व्यक्त
‘अनुपमा’ फेम अभिनेत्री रुपाली गांगुलीनेदेखील वैभवीच्या निधनावर शोक व्यक्त केला आहे. ‘साराभाई वर्सेस साराभाई’ या मालिकेत रुपालीने वैभवीसोबत काम केलं होतं. रुपालीने वैभवीचा एक फोटो शेअर करत लिहिलं आहे,”वैभवी खूपच लवकर”.
