सावदा ता रावेर ( रवि महाजन ) पंतप्रधान पिक विमा योजने अंतर्गत मुक्ताईनगर बोदवड,रावेर तालुक्यातील शेतकऱ्यांनी 2023-24 च्या खरिप हंगामातील पिकांचा पिक विमा काढला होता
मागील वर्षी या तालुक्यात पावसाचा खंड पडून दुष्काळ निर्माण झाला होता त्यामुळे शेतकरी विमा नुकसान भरपाई मिळण्यास पात्र ठरले होते
परंतु राज्य शासनाने त्यांच्या हिस्स्याची रक्कम न भरल्यामुळे शेतकऱ्यांना विमा नुकसान भरपाई मिळण्यास विलंब होत होता
शेतकऱ्यांना पिक विमा मिळण्यासाठी राष्ट्रवादी महिला काँग्रेस शरदचंद्र पवार पक्षाच्या प्रदेशाध्यक्ष रोहिणी खडसे यांनी केलेल्या सततच्या पाठपुराव्याला यश आले असुन लवकरच शेतकऱ्यांच्या खात्यात पिक विमा रक्कम जमा होणार आहे
बोदवड मुक्ताईनगर बोदवड रावेर तालुक्यातील महसुल मंडळात काही ठिकाणी पावसाचा खंड, तर काही ठिकाणी अतिवृष्टी सदृश्य पाऊस झाला होता यामुळे या तालुक्यातील शेतकरी खरिप हंगाम 2023 चा पिक विमा नुकसान भरपाई मिळण्यास पात्र ठरले होते
जळगाव जिल्ह्याला खरिप हंगाम 2023-24 साठी शासना तर्फे ओरिएंटल इन्शुरन्स कंपनीची नियुक्ती करण्यात आली होती परंतु राज्य शासनाने आपल्या हिस्स्याची रक्कम विमा कंपनी कडे वर्ग न केल्याने शेतकऱ्यांना पिक विमा नुकसान भरपाई ची रक्कम मिळण्यास विलंब होत होता हि बाब लक्षात घेऊन रोहिणी खडसे यांनी मोर्चे ,आंदोलन, निवेदनाच्या माध्यमातून पिक विम्याची रक्कम मिळण्या बाबत शासनाकडे सतत पाठपुरावा सुरू ठेवला होता
बोदवड तालुक्यात सरसकट नुकसान झालेले असून सुद्धा विमा कंपनी टाळाटाळ करत होती त्यासाठी रोहिणी खडसे यांच्या मार्गदर्शनाखाली तालुका अध्यक्ष आबा पाटिल आणि सहकाऱ्यांनी
ओरिएंटल इन्शुरन्स कंपनीच्या नागपूर येथिल क्षेत्रीय कार्यालयास प्रत्यक्ष भेट देऊन नुकसानीच्या तक्रार नोंदणी पासून नुकसानीच्या प्रत्येक टप्प्यात बोदवड तालुका सर्व भरपाई निकषात बसतो अशी बाजू मांडून सर्व शेतकऱ्यांना सरसकट मदत दिली जावी हे कंपनीच्या निदर्शनास आणून दिले होते.
राज्य शासन आपल्या हिस्स्याची रक्कम भरण्यास विलंब करत असल्याने शेतकऱ्यांना पिक विमा नुकसान भरपाई मिळण्यास विलंब होत होता राज्य शासनाने त्यांच्या हिस्स्याची रक्कम भरावी आणि शेतकऱ्यांना तात्काळ नुकसान भरपाई ची रक्कम वितरित करण्यात यावी यासाठी रोहिणी खडसे यांनी जिल्हाधिकारी, कृषी मंत्री, मुख्यमंत्री यांच्याकडे सतत पाठपुरावा सुरू ठेवला होता
त्यांच्या या पाठपुराव्याला यश आले असुन राज्य शासनाने त्यांच्या हिस्स्याची रक्कम विमा कंपनीकडे वर्ग केली असुन विमा कंपनीने शेतकऱ्यांना पिक विमा नुकसान भरपाई वितरित करण्याचे आदेश काढले आहेत यानुसार बोदवड तालुक्यातील 12 हजार 959 शेतकऱ्यांना 17 कोटी 84 लाख, मुक्ताईनगर तालुक्यातील 2 लाख शेतकऱ्यांना 9 लाख 51 हजार, रावेर तालुक्यातील 890 शेतकऱ्यांना 50 लाख अशी रक्कम मंजुर झालेली असुन ती लवकरच शेतकऱ्यांच्या खात्यात जमा होणार आहे
———————————————
*पंतप्रधान पिक विमा योजने अंतर्गत खरिप 2023 हंगामात मुक्ताईनगर मतदारसंघातील शेतकरी बांधव पिक विमा नुकसान भरपाई मिळण्यास*पात्र ठरले होते परंतु शेतकऱ्यांना नुकसान भरपाई मिळण्यास विलंब होत होता*त्यासाठी मोर्चे आंदोलन निवेदनाच्या माध्यमातून सतत पाठपुरावा सुरू ठेवला होता एवढेच नाही तर विमा कंपनीच्या नागपूर*येथिल क्षेत्रीय कार्यालयास आबा पाटिल आणि सहकाऱ्यांनी भेट देऊन बोदवड तालुक्यातील* *वस्तुस्थिती कंपनीच्या निदर्शनास आणून दिली होती.
शासनाचे आपल्या हिस्स्याची रक्कम भरण्यास केलेल्या विलंबामुळे पिक विमा मंजुर होऊन सुद्धा शेतकऱ्यांना मिळण्यास उशिर होत होता आता शासनाने त्यांच्या हिस्स्याची रक्कम भरली असुन लवकरच शेतकरी बांधवांच्या खात्यात पिक विमा नुकसान भरपाई ची रक्कम जमा होईल काही अडचण आल्यासशेतकरी बांधवानी राष्ट्रवादी काँग्रेस शरदचंद्र पवार पक्षाच्या पदाधिकाऱ्यां सोबत संपर्क साधावा*
-रोहिणी खडसे
