मुंबई : राज्यसभेच्या सहाव्या जागेचा तिढा आता सुटणार आहे. कारण संभाजीराजे छत्रपती यांचा शिवसेना प्रवेश आता निश्चित मानला जात आहे. यासाठी मुख्यमंत्री उद्धव ठाकरे यांनी छत्रपती संभाजीराजेंना विशेष मेसेज दिला असून उद्या दुपारी १२ वाजता शिवबंधन बांधण्यासाठी मातोश्रीवर या, असा निरोप त्यांनी संजय राऊतांकरवी संभाजीराजेंना दिला आहे. खासदारकी हवी असेल तर संभाजीराजेंनी शिवसेनेत प्रवेश करावा, अशी शिवसेनेने अट घातली आहे. त्याच पार्श्वभूमीवर उद्या शिवबंधन बांधण्याची अटही टाकली आहे. त्यामुळे आता संभाजीराजे उद्या वर्षावर शिवबंधन बांधण्यासाठी जाणार का हे पाहाणं औत्सुक्याचं ठरणार आहे.
राज्यसभेच्या सहाव्या जागेचा तिढा अद्याप सुटलेला नसताना आणि संभाजीराजेंच्या खासदारकीचा अंतिम निर्णय झालेला नसताना शिवसेनेच्या शिष्टमंडळाने छत्रपती संभाजीराजेंची मुंबईतल्या ट्रायडंट हॉटेलमध्ये भेट घेतली. त्यानंतरच्या तासाभरात मुख्यमंत्री उद्धव ठाकरे यांनी छत्रपती संभाजीराजेंना विशेष मेसेज दिला आहे.राज्यसभेत जायचं असेल तर संभाजीराजेंनी शिवसेनेत प्रवेश करावा अशी अट शिवसेनेकडून घालण्यात आल्याची माहिती समोर आली आहे.
हे पण वाचा :
धक्कादायक ! लग्नाचे आमिष देत तब्बल साडे सहा महिने केला अत्याचार, अत्याचारातून अल्पवयीन मुलगी गर्भवती
शासकीय वैद्यकीय महाविद्यालय जळगाव येथे या पदांसाठी भरती, वेतन ७५०००
भारतीयांच्या लग्नाआधी आणि बाहेरच्या लैंगिक संबंधाबद्दल धक्कादायक सरकारी अहवाल समोर
घ्या आता.. करामती नवऱ्याने पत्नीच्या अल्पवयीन बहिणीलाच पळवून नेले ; सासरवाडीतील मंडळी हैराण
शिवसेनेचं शिष्टमंडळ आणि संभाजीराजे छत्रपतींमध्ये आज विशेष बैठक झाली. शिवसेनेच्या शिष्टमंडळात अनिल देसाई, उदय सामंत, मिलिंद नार्वेकर यांचा समावेश होता. राज्यसभेच्या सहाव्या जागेचा तिढा सोडविण्यासाठी या बैठकीत चर्चा झाली. तब्बल पाऊणतास संभाजीराजेंसोबत या बैठकीत चर्चा झाली. याआधीही संभाजीराजे यांनी मुख्यमंत्री उद्धव ठाकरेंची भेट घेतली. त्यावेळीही मुख्यमंत्र्यांनी शिवसेनेत प्रवेशाची अट संभाजीराजेंना घातली होती.
