जळगाव प्रतिनिधी । तालुक्यातील शिरसोली येथील प्राजक्ता उर्फ कोमल अजय बारी या २२ वर्षीय विवाहितेने राहत्या घरात गळफास घेवून आत्महत्या केल्याच्या घटनेने खळबळ उडाली. ही घटना आज सकाळी उघडकीला आली आहे. दरम्यान, ही आत्महत्या नसून सासरच्या मंडळींनी खून केल्याचा आरोप माहेरच्या नातेवाईकांनी केला आहे. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
काय आहे घटना?
याबाबत असे की, प्राजक्ता अजय बारी ह्या पती अजय अशोक बारी यांच्यासह वास्तव्याला आहे. अजय बारी हा खासगी वाहनावर चालक म्हणून नोकरी करत असून आठवड्याचे तीन ते चार दिवस बाहेरगावी राहतात. विवाहितेच्या सोबत सासू, सासरे, जेठ व जेठाणी हे राहतात. प्राजक्ता या विवाहितेने राहत्या घराच्या वरच्या मजल्यावर मध्यरात्री साडीने गळफास घेवून आत्महत्या केल्याचे उघकीला आले. आत्महत्या करण्याचे कारण अद्याप समजू शकले नाही. नातेवाईकांनी जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषीत केले.
हे सुद्धा वाचा…
सोने खरेदीची चांगली संधी, वाचा आजचे ताजे दर
बोदवडमध्ये भाजपच्या विजय बडगुजरांना नशिबाची साथ, ईश्वरचिठ्ठीने मिळाला विजय
रेल्वेत या पदांवर परीक्षेशिवाय मिळतील नोकऱ्या, लवकर अर्ज करा
Amazon वर नवीन सेल सुरु, महागडे स्मार्टफोन्स स्वस्तात खरेदीची संधी
सासरच्यांनी खून केल्याचा आरोप?
दरम्यान विवाहितेने आत्महत्या केलेली नसून तीचा खून करण्यात आला आहे. असा आरोप विवाहितेचा मावसभाऊ प्रल्हाद सुकलाल फुसे रा. शेंदुर्णी ता.जामनेर यांनी केला आहे. विवाहितेचे पती आणि सासरे यांच्यावर गुन्हे दाखल करावा अशी मागणी विवाहितेच्या माहेरच्यांनी केली आहे. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
