जळगाव – आयएमएची मिशन पिंक हेल्थ शाखा व विजयेंद्र फाउंडेशन यांच्या संयुक्त विद्यमाने वाघनगरातील विवेकानंद शाळेत माेफत अाराेग्य तपासणी शिबिर झाले. यात ७२० मुला-मुलींची तपासणी करण्यात आली.
शिबिरात डाॅ. संजय पाटील यांनी विद्यार्थ्यांची हिमोग्लोबिन तपासणी केली. त्यानंतर फिजीशीयन डाॅ. पराग चौधरी, डाॅ. नेहा भंगाळे, स्त्रीरोग तज्ज्ञ डाॅ. जयंती पराग चौधरी, डाॅ. मनजीत संघवी, डाॅ. प्रियंका चौधरी, डाॅ. नितीन धांडे, डाॅ. गौरव महाजन, डाॅ. सारिका पाटील, डाॅ. मृणालिनी पाटील, डाॅ. आरती पाटील, डाॅ. अमित भंगाळे, डाॅ. नीरज चौधरी यांनी तपासणी केली. डाॅ. सागर चौधरी, डाॅ. वेणुका चौधरी आणि डाॅ. मेघना नारखेडे यांनी दातांची तपासणी करून विद्यार्थ्यांना दररोज दोन वेळा नियमीतपणे दात साफ करण्याचा सल्ला दिला. डाॅ. चौधरी यांच्यातर्फे गरजू मुलांना टुथ पेस्ट देण्यात आले. ॲनिमीया असणाऱ्या मुलांना विजयेंद्र फाउंडेशनतर्फे रक्तवाढीची औषधे, जंत निर्मूलनाच्या गोळ्या, कॅल्शियमच्या गोळ्या, साबण वाटप करण्यात अाल्या. डाॅ. जयंती चौधरी यांनी आहारात रोज एक वाटी कोणत्याही कडधान्याची उसळ, रोज एक फळ, सॅलाड, २ खजूर यांचा समावेश असावा तसेच मुलांनी जेवणाआधी आणि बाथरूमला गेल्यावर हात धुवावे असे सांगितले. अतुल पाटील आणि हेमंत वाणी यांनी औषधे वितरीत करण्यास सहकार्य केले. शिक्षिकांनी मुले रोज १५ मिनिटे धावतील, पुस्तके वाचतील असे आश्वासन दिले. शिबिरास आयएमएचे डाॅ. धर्मेद्र पाटील यांचे सहकार्य लाभले. शिबिरात मुख्याध्यापक ज्ञानेश्वर पाटील, मुकुंद शिरसाठ, गणेश लोखंडे, विजयेंद्र हाॅस्पिटलचे किरण चौधरी, सुरेश पाटील यांचे सहकार्य लाभले.
