नागपूर,(प्रतिनिधी) – सकाळच्या सत्रात भरणाऱ्या शाळेमुळे विद्यार्थ्यांना लवकर उठावं लागतं, त्यामुळं त्यांची झोप होतं नसल्याने अनेकदा लहान मुलं सकाळी झोपेतून उठण्यासाठी कंटाळा करतात, पालकांनाही मुलांना सकाळी उठविण्यासाठी मोठी कसरत करावी लागते त्यामुळे लहान मुलांना शाळेची वेळ दुपारची असावी असं वाटत असते, तर विद्यार्थ्यांनो म्हणूनचं तुमच्यासाठी ही आनंदाची बातमी आहे. पुढील येणाऱ्या शैक्षणिक वर्षात दुसरीपर्यंतच्या विद्यार्थ्यांची दुपारच्या सत्रात सकाळी ९ वाजल्या नंतर शाळा भरणार असल्याची घोषणा शिक्षणमंत्री दीपक केसरकर यांनी सोमवारी केली.
राज्यपाल रमेश बैस यांची सूचना
बदलत्या जीवनशैलीमुळे पहाटे शाळा असेल तर लहान मुलांची झोप पूर्ण होत नाही. त्यामुळे त्यांची शाळा उशिराने सुरू करण्याबाबत सरकारने विचार करावा, असे राज्यपालांनी अलिकडेच सुचविले होते. राज्यपालांच्या या मताशी सरकार सहमत असल्याचे शिक्षणमंत्री यांनी सांगितलं.
समिती गठीत….
सकाळी ९ नंतर शाळा भरविण्या बाबत एकट्याने निर्णय घेणे योग्य नसल्याने तज्ज्ञांची समिती स्थापन करण्यात आली आहे. या समिती मध्ये मनोवैज्ञानिक, बालरोग तज्ज्ञांच्या समावेश करण्यात आला असून समितीचा अहवाल आल्यानंतर पुढील निर्णय घेतला जाईल असे केसरकर यांनी सांगितले.
पुढील शैक्षणिक वर्षांपासून ९ नंतर ‘शाळा’
तज्ज्ञ समितीचा अहवाल प्राप्त होताचं पुढील शैक्षणिक वर्षापासून सर्व माध्यमांच्या आणि सर्व शिक्षण मंडळांच्या शाळांना हा नियम लागू असेल, असेही ते म्हणाले. सकाळच्या सत्रातील शाळेची वेळ सात ऐवजी नऊपर्यंत पुढे ढकलल्यास मुलांची झोप पूर्ण होऊन त्यांना शिक्षणाची गोडी लागेल, असे केसरकर यांनी स्पष्ट केले.
