वरणगाव,दि.27(प्रतिनिधी) – कोरोना विषाणूचा प्रादुर्भाव रोखण्यासाठी वरणगाव शहर दि. 28 ते 29 एप्रिल असे दोन दिवस बंद ठेवण्याचा आदेश नगरपरिषदचे मुख्याधिकारी यांनी आज काढले आहे.
या दोन दिवसाच्या बंदच्या काळात शहरातील कुठलेही दुकान, आस्थापना, पेट्रोल पम्प, ग्राहक सुविधा केंद्र, बँका, फळ, भाजीपाला दुकाने सुरु राहणार नाही. तसेच या काळात कुठल्याही कारणासाठी नागरिकांना घराबाहेर पडता येणार नाही. मेडिकल मात्र यावेळी सुरु राहणार आहेत तर दूध डेअरी या संध्याकाळी 5 ते 7 या वेळेत उघडी राहणार आहे. सदर 48 तास संपूर्ण शहर लॉकडाऊन राहणार आहे.तरी लॉकडाऊन उल्लंघन केल्यास पाचशे रूपये दंड व फौजदार गुन्हा दाखल करण्याचे आदेश आज मुख्याधिकारी यांनी जारी केले आहे.
